VEÇ PËR BUZËN TËNDE MJALTË
Cikël poetik nga PËRPARIM HYSI
E Enjte, 10.17.2013, 08:57am (GMT+1)
1. Ku je "fshehur?!"
Ku je fshehur? Mos ke "humbur?!"
Gjrumën unë s'ta gjej askund
Apo unë jam pak "vulëhumbur?!"
Të kërkoj. Të gjej, nuk mund.
Se sa mirë kur bashkë ishim
Se sa mirë! Dhe qe tetor
Pranë askënd për be nuk kishim
Unë e ti, o moj Dolorë!
Edhe nata...ç'natë e bukur!
Pse u sose, o moj natë?!!!
Le të jem për jetë "vulëhumbur"
Veç për buzën tënde mjaltë.
E kujtoj tash atë kohë
Tërë natës syri kllap
Të kërkoj dhe zë bëj "oh!"
Ku ke humbur, moj buzëmjaltë?!...
14 tetor 2013
2. Po kur thoshe
Po kur thoshe:- Jam e "mitur"
Sikur sytë s'i kam në ballë
Kam parë shumë dhe jam kokëthinjur
Nuk gaboj lehtë në "kandar"
Në kandar që të "peshoj"
Je e "rëndë" apo e "lehtë"
Unë me sy saktësisht të çmoj
Për të tjerat... e di vet.
3. Kur trokiti dera
Tak-tak trokiti dera
Unë u ngrita dhe e hapa
Iku vjeshta, erdh pranvera
Fllad, o seç fllad që soll nga prapa.
Natyrisht që u çudita
Nga trokitja e papritur
Dhe për pak desh lajthita
"Flladi" kishte sy të ndritur.
Dhe u ula përbri saj
Përbri saj po nuk qe punë
Thomëni:- Kush e ka kollaj
Që mos e zërë me shkumë?!
Kështu ndodhi. S'e mohoj.
Se erdh flladi më flladiti
Jo. Nuk skuqem tek tregoj
Befas, dera më trokiti...
Tiranë, 16 tetor 2013 PËRPARIM HYSI
|
Comments (0)
Dërgoja shokut
Printo
