Washington Post- Voal-online Dje ishte dita e parë shkollës Sidwell Friends për Malia dhe Sasha Obama. Administrata e Shkollës private Sidwell ishte e përgatitur për këtë ditë. "Ishte krejt një ditë normale, pas pushimeve të dimrit", thotë Ellis Turnes, prej stafit drejtues të shkollës. "Nuk ishte përgatitur asgjë speciale për nxënësit". Asgjë speciale. Përveç vajzave të Presidentit. Malia 10 vjeçare, që do të vazhdojë klasën e pestë në kampusin Northwest Washington pranë Wisconsin Avenue, dhe Sasha, 7 vjeçare që do të vazhdojë klasën e dytë në kampusin Bethesda, aty pranë. E pra dje ishte një ditë speciale për shkollën Sidwell Friends. Edhe nxënësit dhe prindërit e dinin këtë fakt. "Na kanë thënë që të jemi krejt normal", tha një nxënës që nuk pranoi të identifikohej sepse thyente rregullat e shkollës, por ky fakt "nuk ndalte askënd që të mbanin kokat nga dritaret".
Në pushimin e drekës ai e kishte parë Malia-n në kafeterinë e shkollës. "Ajo duket si të gjithë nxënësit dhe duket sikur do të bëjë shokë e shoqe që ditën e parë të shkollës sepse që tani kishte plotë shokë e shoqe rrotull vetes". Traditat e shkollës janë të tilla sa i bëjnë të ndihen mire të gjithë të sapoardhurit, ku midis tyre bëjnë pjesë gjithashtu edhe mbesat e Zëvendës Presidentit Joe Biden.
Fotot e botuara tregojnë se edhe për Familjen Obama dita e parë e shkollës në Sidwell Friends ishte gati e njëjtë me të çdo familje tjetër. Pasi përshëndeten me babin e tyre, që do të shkonte në Capitol Hill, vajzat shoqërohen në shkollë nga Michelle, aty ku i prisnin një mari e pafund e mediave.
Pastaj erdhi koha kur përfunduan orët e mësimit aty nga ora 15:30 dhe fëmijët u derdhën në Wisconsin Avenue pranë stacionit të autobusëve dhe parkingjeve ku presinin veturat e prindërve. Pak milje më larg shkolla në Bethesda, më e vogël dhe e rrethuar prej një lëndine idilike plot bar, duket edhe më qetë, ku prindërit vijnë e shkojnë bashkë me fëmijët e tyre, ndërsa disa fëmijë të tjerë vazhdojnë lojën e tyre në oborr.
Comments (0)
Dërgoja shokut
Printo
