RUSIA KËRCËNON UKRAINËN
E Hënë, 07.14.2014, 09:16am (GMT+1)
Një banore shihet në dritaren e shtëpisë së saj e cila ishte dëmtuar nga predhat e forcave të qeverisë së Ukrainës në pjesën lindore të Ukrainës
Rusia ka kërcënuar Ukrainën me "pasoja të pakthyeshme" pas akuzave se një predhë nga Ukraina ka rënë brenda Rusisë, duke e vrarë një person.
Presidenti i Rusisë, Vladimir Putin, ka shprehur "shqetësim të thellë" lidhur me këtë incident, ka thënë një zëdhënës i presidencës ruse.
Por, Ukraina i ka hedhur poshtë pohimet se ushtria e saj ka shtënë matanë kufirit, dhe i ka vlerësuar akuzat si "krejtësisht absurde".
Zyrtarët e Ukrainës kanë sugjeruar se separatistët prorusë mund të jenë përgjegjës, duke shpresuar se do ta nxisin Moskën që të intervenojë në favor të tyre.
Por edhe kryengritësit prorusë i kanë hedhur poshtë këto akuza.rel
www.voal-online.ch
|