KORFUZ - PËRFSHIHET NGA FLAKËT NJË TRAGET ME 466 VETA NË BORD
E Djelë, 12.28.2014, 10:33am (GMT+1)
KORFUZ Përfshihet nga flakët në afërsi të Korfuzit, një anije pasagjerësh që udhëtonte nga Igumenica drejt portit të Ankonas në Itali. Sipas mediave greke, në anijen italiane "Norman Atlantic" udhëtojnë rreth 411 pasagjerë dhe 55 anëtarë të ekuipazhit, ndërsa zjarri dyshohet të ketë rënë në garazhin e tragetit, ku ndodhen edhe 222 automjete.
"Kapiteni i anijes kërkoi evakuimin e menjëhershëm të pasagjerëve."- bëri të ditur zëdhënësi i rojes bregdetare greke.
Pasagjerët kanë telefonuar në televizionet greke, ku kanë bërë të ditur se fatmirësisht nuk ka asnjë person të lënduar në bordin e anijes. Pasagjerët thonë se kanë tentuar disa herë të lëshojnë varkat e shpëtimit, por kushtet atmosferike e bëjnë të pamundur lundrimin me varka të vogla në det.zona ku ndodhet anija
Ndërkohë, tre anije shpëtimi kanë mbërritur në vendin e ngjarjes dhe kanë nisur evakuimin e pasagjerëve. Operacioni i shpëtimit pritet të zgjasë, pasi era e fortë dhe reshjet e shiut e vështirësojnë punën.
www.voal-online.ch
|