RUSIA PËRCAKTON NATO-n DHE SHBA SI KËRCËNIME TË MËDHA
E Premte, 12.26.2014, 06:14pm (GMT+1)
 Rusia miratoi një variant të ri të doktrinës së saj ushtarake, që i përcakton NATO-n dhe Shtetet e Bashkuara si kërcënime të mëdha ndaj sigurisë së vendit.
Presidenti Vladimir Putin e miratoi sot doktrinën, thelbi i së cilës mbetet i pandryshuar nga version i mëparshëm. Klauzolat e reja theksojnë si kërcënim për Rusinë zgjerimin dhe fuqizimin e NATO-s dhe veprimet e Aleancës për marrjen e përgjegjësive që Rusia i konsideron si "funksione globale të realizuara përmes shkeljes së ligjit ndërkombëtar."
Doktrina përcakton si kërcënime të huaja madhore "krijimin dhe dislokimin e sistemeve strategjike globale të reketave antibalistike dhe balancimin e fuqisë në aftësitë e raketave bërthamore, zbatimin e konceptit të sulmit të menjëhershëm, që synon dërgimin e armatimeve në hapësirë dhe dislokimin e armëve konvencionale strategjike me precision."
Dokumenti po ashtu përcakton si kërcënim mungesën e stabilitetit në vende në kufi me Rusinë, ose me aleatët e saj dhe dislokimin e mundshëm të trupave të huaja në ato vende. za
www.voal-online.ch
|
Comments (0)
Dërgoja shokut
Printo
