Voal-online - Poeti suedez, Tomas Transtromer, është fituesi i Çmimit Nobel për Letërsi për vitin 2011. Në shpjegimin e Akademisë Suedeze thuhet: "sepse përmes imazheve të fuqishme dhe rrezatuese ai na jep qasje të freskët të realitetit."
Tomas Tranströmer është poeti suedez më i njohur dhe më i përkthyer. Vepra e tij ndërthur modernizmin, ekspresionizmin dhe surealizmin. Ai është autor i dhjetëra përmbledhjeve nga të cilat do veçuar "Baltiket dhe poema të tjera" (1989), "Kujtimet më vështrojnë" (2004), "Poema të shkurtra" (2004) dhe "Enigma e madhe"(2004).
Tranströmer ishte prej vitesh në listën e kandidatëve për çmimin Nobel.
Suedezët e fundit që kanë marrë Nobel në letërsi kanë qenë, në vitin 1974, Harry Martinson e Eyvind Johnson.
Pas Çmimit Nobel për Letërsi do të shpallet Çmimi Nobel për Paqe të premten, pastaj ai për ekonomi të hënën.
Për çmimin Nobel për letërsi, suedezin Tomas Tranströmer, nuk dihet shumë. Këtu po sjellim poezinë "Faqe nga libri nator", marrë nga libri "Poezia e heshtjes":
 
FAQE NGA LIBRI NATOR
Zbarkova një natë maji
në një kthjelltësi të akullt hëne
ku bari dhe lulet ishin gri
po aroma ishte e gjelbër.
 
Ngjita ngadalë një shpatinë
në natën daltonike
ndërsa gurë të bardhë
shënonin hënën.
 
Një hapësirë e kohës
përgjatë ndonjë minute
e madhe pesëdhjetë e tetë vite.
 
E prapa meje
përtej ujërave të plumbta ndritëse
është bregu tjetër
 
dhe sundimtarët.
njerëz me të ardhme
në vend të fytyrave./Elida Buçpapaj