Raportuesja e Parlamentit Evropian për liberalizimin e vizave për Ballkanin Perëndimor, Tanja Fajon, ka deklaruar se nga procesi i liberalizimi të vizave duhet të përfitojë dhe Kosova.

Pasi ka konfirmuar se qëndrimi i BE-së është për heqjen e vizave për Shqipërinë dhe Bosnjën gjatë kësaj vere, ajo ka theksuar se duhet të gjejmë zgjidhje dhe për njerëzit në Kosovë dhe se nuk mund të lejohen vrima të zeza në rajonin e Ballkanit Perendimor.

Deklarata e eurodeputetes, Fajon është dhënë gjatë një ligjërate në Institutin e Studimeve të Lindjes së Mesme dhe Ballkanit, në Lubjanë.

"Me ndarjet në shtete të mira dhe të dobëta rrezikojmë ndarje edhe më të mëdha dhe jostabilitet në rajon. Duam që nga kjo verë të heqim vizat, për Shqipërinë dhe Bosnjën e Hercegovinën, dhe kemi bërë thirrje që sa më parë të gjejmë zgjidhje edhe për njerëzit në Kosovë. Nuk guxojmë të lejojmë ekzistimin e vrimave të zeza në hartën e Ballkanit Perëndimor, i cili nganjëherë duket si mozaik", është shprehur Fajon.

(http://www.noa.al)