Voal-online -Ministri i deritanishëm i Financave Naoto Kan, një konservator fiskal shumë i njohur për luftën kundër burokratëve, u zgjodh të premten (sot), kryeministër i ri i Japonisë, ndërkohë që partia në pushtet përpiqet të rimarrë veten para zgjedhjeve të reja për në dhomën e lartë të parlamentit.

Kan, 63 vjeç, do të jetë kryeministri i pestë i Japonisë në tri vjet, duke marrë detyrën në kohën kur vendi lufton për të mbajtur nën kontroll borxhin e madh, të zbutë dukuritë që vijnë nga plakja e shoqërisë dhe të forcojë lidhjet me aleaten e sigurisë, Amerikën, si dhe me Kinën gjithnjë e më të fuqishme.

Partia Demokrate e Japonisë e zgjodhi Kanin të pasojë kryeministrin jopopullor Yukio Hatoyama, i cili u largua nga detyra këtë javë, në prag të zgjedhjeve për në dhomën e lartë të parlamentit që mbahen në korrik.

(http://www.reuters.com)