Voal-online -Erich Segal ( Erik Segal), profesori i letërsisë klasike të Harvardit bërë i famshëm për romanin e tij bestseller Love Story (Histori Dashurie), ka vdekur nga sulmi në zemër në moshën 72 vjeçare. Lajmin e ka bërë të ditur një mik, Ned Temko. Segal jepte mësim në Oxford në momentin e vdekjes.
Segal shkroi romanin e tij të famshëm të dashurisë dhe të vuajtjes në vitin 1969, kur ishte 32 vjeç dhe jepte letërsi klasike në Harvard. Një nga fjalitë më të famshme të tij është - "Dashuri do të thotë që nuk duhet të thuash kurrë më vjen keq" ka hyrë në të folurit e përditshëm popullor. Libri u bë pastaj një film tejet i suksesshëm.
Më vonë Segal u bë një personazh i famshëm televiziv, dhe përfundoi deri në komentator të Olimpiadave Botërore për televizionin amerikan ABC. Por ndërkohë vazhdoi edhe me një veprimtari të dendur shkrimin: një mori romanesh, monografi, kritikë letrare, dhe, së bashku me mikun e tij Jack Rosenthal, një përktihim të ri në anglisht të lujtes hebreje të mbrëmjeve të të premteve për London Reform Synagogue (Sinagogën e Reformuar të Londrës). Në vitin 2001 shkroi një vepër shkencore akademike mbi historinë e komedisë dhe të batutave larë e pa larë, nga Greqia antike deri tek Stanley Kubrick.
Erich Segal lindi më 16.06. 1937 në Nju Jork. Shkroi shumë drama e skenare filmash, nga këta të fundit është I njohur Yellow Submarine (Nëndetësja e verdhë). Nga romanet e tij më të famshmit janë Love Story (1969), Oliver's Story (Historia e Oliverit) (1977), Man, Woman and Child (Burri, gruaja dhe fëmija) (1982).