Para disa ditësh më gëzoi nje telefonatë e një miku nga Çikago. Ishte Atdhetari
shumë i nderuar z.Hafëz Jusuf Azemi. Mbas urimeve të zakonshme për shëndetin
dhe mirëqenien e familjes time, filloi të më tregoi për nje shqetësim të madh
që kishte ndjerë kur po shihte në gazetën Illyria të publikuar një hartë të
Çamërisë. Shqetësimi i vinte për arsyen se jashtë asaj harte ishte lënë
Kryeqendra e Shqipërisë së Jugut, Janina. Nga zëri Z.Hafez Jusuf Azemit
kuptohej shumë qartë dhimbja që ndjente duke më përsëritur se si është e mundur
të bëhet një faj i tillë, si mundet t'i falet Janina e Ali Pashait Greqisë
antishqiptare?! Vazhdon, ka shumë respekt te gazeta, prandaj çuditet dhe kërkon
që të marr kontakt me z.V.Bajramin se cili është shkaku i këtij faji shumë të
rëndë që nuk duhet më të përsëritet nëpër gazetat tona atdhetare.
Me Atdhetarin z.Hafëz J.Azemi, jam takuar herën e parë në një takim të
organizuar para disa vitesh në Çikago, nga ne të Organizatës Shqiptaro
Amerikane Çamëria. Në krye të Kuvendit , si mik shumë I nderuar kishte zënë
vendin e merituar një atdhetar me qeleshen e bardhë mbi krye. Pavarësisht nga
forma e sajë që mbajnë Shqiptarët nga Kosova, Dibra, Labëria ose Çamëria ajo ka
ngjyrën e bardhë karakteristike Shqiptare.
Në përshëndetjen që na I drejtoi takimit tonë z. Hafëz Jusuf Azemi, midis të
tjerave na porositi për asnjë çast dhe në cfarëdo lloj rrethane të mos harrojmë
Gjuhën dhe Atdheun Tonë-Shqipërinë,ashtu siç na e ka falur Zoti dhe na e kanë
lënë Amanetin Rilindasit.
Sot vërtetë jemi mbledhur për Çamërinë Shqiptare këtu në Çikago të SHBA-se, por
edhe ne të tjerët që jemi këtu bashkë me ju si nga Dibra e Kosova edhe nga
Durrësi e Tetova jemi të gjithë Çamë, se kështu na përshëndetët edhe në fjalën
tënde të hapjes
Hafëz Jusuf Azemit, ka lindur pranë Tetoves dhe mbas Luftës së Dytë Botërore, u
arratis në Itali, Siri dhe pastaj këtu në Amerikë, ku për më shumë se
gjashtëdhjetë vite me rradhë nuk pushon së vepruari për çeshtjen shqiptare në
Ballkan. Ai iu bashkangjit aktivistëve të ideve të Mid'hat Frashërit për
Shqipërinë Etnike, duke bashkëpunuar ngushtë me aktivistët e Ballit Kombëtar
dhe Lidhjes Kosovare; të cilët nuk kursyen asgjë për ta mbajtur gjallë idenë e
Shqipërisë Etnike dhe të Çështjes Shqiptare në Pergjithesi.I ndjekur nga UDB-ja
jugosllave Hafez J.Azemi për më shumë se pesëdhjetë vite nuk pati mundësi të
shkojë në vendlindjen e tij në Tetovë.
Aktiviteti politik i Ballit Kombëtar dhe i Lidhjes Kosovare është i lidhur
shumë ngushtë me emrin e Hafëz Jusuf Azemit, i cili, edhe pse në moshën 93
vjeçare ende merr pjese aktive në Takime të rëndësishme të Komunitetit
Shqiptaro-Amerikan në Çikago.
Balli Kombetar dhe Lidhja Kosovare, kanë qenë promotorët e çështjes shqiptare,
kurse Hafëzi ka qënë aktivisti kryesor në territorin e Çikagos dhe me gjerë. Në
Nëntor 1973, ishte organizatori kryesor I Kongresit të Lidhjes Kosovare.Ai jo
vetëm ka organizuar takime dhe aktivitete me përfaqësues të administratës
amerikane, por duke qenë edhe dora e djathtë e Abaz Ermenjit dhe Luan Gashit. Hafëzi, është gjithmonë në ballë të demostratave ne Washington, New York,
Çikago, dhe në qytete tjera Amerikane.
Kontribut të veçantë në afirmimin e Shqipërisë Etnike, kanë dhënë organizatat
politike në SHBA, përmes, pjesëmarrjes së tyre në përkujtimin e Javës të Kombeve
të Robëruara, të cilën e kishte shpallur Presidenti i Shteteve të Bashkuara të
Amerikës D. Ajzenhauer në vitin 1959.
Për kontributin që ka dhënë mërgata shqiptare në organizimin dhe në
pjesëmarrjen masive në Ditën e Kombeve të Robëruara, nga organizatorët është
dekoruar Hafëz Jusuf Azemi së bashku me të ndjerin Prof. Abas Ermenjin.
Dhe si duket nga qëndrimi I sotëm, për të mos harruar Çamërinë bashkë me
Janinën Shqiptare; Atdhetari Hafëz J.Azemi nuk ka sesi ti largoi nga mendja dhe
veprimtaria e tijë te Drejtat e Shqiperise se Vertete, sepse mendja dhe Shpirti
I këtij 93 vjeçari( u Bëftë mbi 100 vjecar) është mbrujtur me Atdhetarizëm si
nga Nëna që ka e lindur ashtu edhe gjatë gjithë jetës së tij krahas Atdhetarëve
me idetë dhe frymën e Rilindasve!
Njerës të tillë, Atdhetarë të ndershëm e të thjeshtë, veprimtarë të pa lodhur
si Hafës J.Azemi, Dr.S. Velaj, E.Shatka, Niko Kirka, G. Perrolli, Rexhep
Imeraj, M.Mulosmani e tjerë duhet të na shërbejnë si fenera ndriçuesa të
Shqiptarizmës. Prej tyre duhet të marrin shembull edhe kryetarët e vetëshpallur
të disa organizatave të mbuluar me hijen e së kaluarës u ka mbetur vetëm oreksi
për tu fotografuar dhe jo të luftojnë për Shqiptarizëm të Vërtetë.
Pa e nënçmuar aspak faktorin e brendshëm shqiptar, sakrifica dhe flijimi i
atyre idealistëve për Çlirim dhe Bashkim Kombëtar, gjatë të gjitha periudhave
historike, veprimtaria kombëtare e organizatave politike në mërgim,
respektivisht në Shtetet e Bashkuara të Amerikës, ka luajtur një rol
jashtëzakonisht të madh në njohjen, sensibilizimin dhe ndërkombëtarizimin e
çështjes mbarëkombëtare, si në Administratën Amerikane por në të gjitha
Organizmat Ndërkombëtare.
Sot, falenderim SHBA, jemi në shekullin e Shqiptarizmës dhe me shembullin e
Atdhetarëve tëVërtetë dhe veprimtarive tona si edhe të faktorit të brendshëm
dhe të jashtëm shqiptar, qëndron aktual ribashkimi i trojeve Etnike Shqiptare.
Erdhi Dita që Padrejtësitë e ushtruara nga fqinjët tanë shovinista greko-sllavë
të mbështetura nga fuqitë filo greke e filosllave Europiane ndaj popullësive
dhe tokave shqiptare të vihen në rrugën e zgjidhjes.
Prandaj të gjithë intelektualët e ndërgjegjshëm, të frymëzuar nga Idealet e
Rilindasve dhe Atdhetarëve të mirëfilltë që kemi fatin të jenë pranë nesh: me
fakte dhe argumente me mburrje dhe krenari ta kërkojnë dhe me mjete demokratike
ta mbrojnë ribashkimin e trojeve etnike shqiptare dhe bashkimin kombëtar.
Miratimi I Rezolutës Çame nga Parlamenti Shqiptar, do mbesi fakt se në shekuj
SHQIPTARIA MBIJETON!!
S. Bollati, New York, Prill 2013