VOAL - Online Zëri i Shqiptarëve - Loja e Albert Bunjakut u pëlqyer nga Hicfeldi

Sulmet e vetme të suksesshme mbrëmë ishin ato të lojtarit të ri të kombëtares zvicerane Albert Bunjaku. Hitzfeld nuk mund ta linte jashtë vëmendjes aktorin e ri të lojës zvicerane. «Ai tregoi një lojë të madhe. Vetëm fati në përfundimin e aksioneve i mungoi disi. Unë jam i kënaqur me paraqitjen e tij."

Voal-online Katër fitore dhe katër barazime kishte arritur kombëtarja zvicerane gjatë vitit 2009, çka ia siguroi asaj edhe kualifikimin për Botërorin e vitit 2010 në Afrikën e Jugut. Në mbarim të vitit kombëtarja pati mbrëmë në Gjenevë vetëm një 0:1 kundër Norvegjisë.

Ndeshja u zhvllua në praninë e 16 000 shikuesve. Traineri Ottmar Hitzfeld aktivizoi 17 lojtarë, ndër të cilët edhe debutuesit Albert Bunjaku në sulm dhe Heinz Barmettler në mbrojtje. «Kjo lojë pati rëndësi për të parë gjendjen e skuadrës. Çdo minutë loje është një pasqyrë e mirëfilltë për secilin lojtar," tha Hitzfeld duke folur për provën e mbrëmshme përballë Norvegjisë.

Pas humbjes Hitzfeld tha në një intervistë televizive: «Ne paguam lojën mbrojtëse të ekipit. Kërkuam që me një lojë mesfushore të arrinim suksesin. Por lejuam gabime të shumta në pasimin e topave. Ne duhet ta përmirësojmë shumë këtë aspekt gjatë përgatitjes për finalet."

Rezultati i ndeshjes nuk e ka çtrimëruar trainerin Hitzfeld. «Ne patëm një goditje të rëndë me njëmbëdhjetëmetërshin që muarëm fill pas pushimit, përballë një Norvegjie që qëndroi gjithë kohën në sulm," tha traineri. Rezultati më i drejtë do të ishte barazimi.

Sulmet e vetme të suksesshme mbrëmë ishin ato të lojtarit të ri të kombëtares zvicerane Albert Bunjaku. Para tre muajve askush nuk kishte llogaritur sulmuesin e Nyrnbergut: «Ne patëm dy mundës për të shënuar, njërën nga ato e pata unë. Ne duhej ta kishim fituar këtë ndeshje. Për mua kjo ndeshje e parë kishte rëndësi shumë të madhe për ta njohur ekipin."

Edhe Hitzfeld nuk mund ta linte jashtë vëmendjes aktorin e ri të lojës zvicerane. «Ai tregoi një lojë të madhe. Vetëm fati në përfundimin e aksioneve i mungoi disi. Unë jam i kënaqur me paraqitjen e tij." (http://msn.ch.msn.com)