MARSEJA DËSHIRON RIKTHIMIN E LORIK CANËS
E Djelë, 06.01.2014, 10:45am (GMT+1)
Në kohën kur flitet për një largim të mundshëm të Lorik Canës nga Lacio, në Francë përgatitet terreni për rikthimin e tij pas 5 vjetësh në Ligue 1. Është Marseja që i kujton me mall kohërat kur kishte në skuadër mbrojtësin shqiptar dhe tani ka hapur një sondazh, nëse klubi duhet të hidhet në sulm apo jo për rikthimin e tij. "Portreti i një luftëtari" quhet përmbledhja në aksion e Lorik Canës ndër vite, e publikuar në faqen zyrtare të klubit francez. Ndër të tjera thuhet se futbollisti nuk shkon mirë me trajnerin Edi Reja te bardhekaltrit dhe kjo mund të jetë arsyeja kryesore e largimit nga Seria A pas 3 sezonesh. Këtu Marseja citon Agim Canën, të atin dhe njëkohësisht agjentin e futbollistit, i cili shpreson që situata te Lacio të ndryshojë, sepse Loriku kërkon të luajë dhe, në të kundërt, diçka duhet bërë. Janë të pakënaqur te Marseja dhe skuadrës i kanë munguar liderët dhe lojtarët luftarakë si Lorik Cana. www.voal-online.ch
|
Comments (0)
Dërgoja shokut
Printo
