DO TË VIJ NJË DITË
Nga ADEM ZAPLLUZHA
E Martë, 04.08.2014, 02:22pm (GMT+1)
Kjo zbutje eshtrash
I zbërthen kujtimet
Në qindra cifla guralecash
Dhembjet ynë
Dhe dalin nga baladat
Ne pritëm disa shekuj
Doruntina nuk u kthye
Ngjau e kundërta
Shumë e shumë Doruntina
Në thasë najloni
I kapërcyen trishtimet e detet
Varkat e përgjumura
Nuk dolën nga kllapia
Kripa akoma shkumon brigjeve
Në gojën e peshkut të ngordhur
Vdesin koralet
Do të jetojmë edhe një natë
S'kemi se ku të shkojmë
Janë shpeshtuar kafshimet
Në shtatin e dërmuar të atdheut
I vrasin zogjtë
Më pritë në pranverë
Dua t'i shërojë dhembjet
Dhe t'i zgjojë krenarit e Nëntorit
Më pritë atdhe
Do të vij një ditë
Me fluturimet e zgalemave ADEM ZAPLLUZHA
|
Comments (0)
Dërgoja shokut
Printo
