Në Greqinë e krizës duket se privatizimet do prekin gjithçka, edhe atë që dikur
s'mund të imagjinohej.
Qeveria greke me sa duket ka vendosur të shesë përkohësisht disa ishuj, për të
përballuar krizën.
Sipas të dhënave të para jozyrtare, ishujt do të shiten me kontratë 50 vjeçare.
Të interesuarit mund të shfrytëzojnë ishullin për 45-50 vjet.
Sipas gazetës "Ta Nea", është vendosur që të nxirren në shitje 30 ishujt e
parë, me madhësi territoriale nga 100 deri në 3100 hektarë.
Fillimisht u diskutuan temat e sigurisë dhe pasi u verifikua që këta ishuj janë
larg kufirit (veçanërisht larg Turqisë), u vlerësua se ata mund të shfrytëzohen
nga investitorë të huaj dhe vendas.
Disa ditë më parë, në revistën franceze Le Monde, vetë kryeministri Samaras
bëri një referim për "shitjen" e 562 ishujve grekë.
Edhe pse qeveria e mohoi zyrtarisht, duket se Fondi i Zhvillimit të Pronës
shtetërore, ka filluar procedurat, që këto ishuj t'iu jepen privatëve për 50
vjet, për "shfrytëzim komercial", domethënë për akuakulturë, ferma diellore,
turbina ere, turizëm etj. Shteti grek zotëron 562 ishuj të pashfrytëzuar, me
një sipërfaqe totale prej 240 000 000 metra katrorë.(bw)
Comments (0)
Dërgoja shokut
Printo
