Me vetë angazhimin e bashkatëdhetarëve tanë që jetojnë dhe punojnë në qytetin
Backnang ( mbi 35 mijë banorë, shtrihet 27 km në verilindje të Stuttgart-it në
Baden- Würtemberg), në janar të këtij viti nisën përgaditjet për fillimin e
mësimit plotësues në gjuhën amtare.
Për këtë, javë më parë këshilli i prindërve në përbërje; Zojê Buzuku- kryetare,
Selver Krasniqi- zëvendës, Fadil Maliqi dhe Hyzri Ibishi së bashku edhe me
prindër tjerë, vizituan-u këshilluan me zv. Konsullin- Ymer Lladrovci në
Kosullatën e Kosovës në Stuttgart, siguruan shkollën ku do të zhvillohet mësimi
dhe aprovuan vendimin për shpalljen e konkursit për mësues me përgatitje
akademike përkatëse.
Pas shqyrtimit të dokumenteve të arsimtarëve, këshilli i lartpërmendur për këtë
detyrë të shenjët emëroi mësuesen Miradije Gashi.
Pasoi mbledhja e prindërve, ku edhe u vendos që mësuesja e zgjedhur dhe 40
nxënësit e saj të fillojnë me datë 01.02.2013 mësimin e mirëpritur shqip.
Fillimin e punës së shkollës shqipe e nderuan me pjesmarrjen e tyre përsonalitete
të njohura të qytetit dhe prindër të shumtë.
Ndërsa me këtë rast, Lothar Zipperer- Rektor i shkollës së mirënjohur në
qytetin e lartëpërmendur që krenohet me emrin e poetit gjerman Friedrich von
Schiller( në njëren prej dhomave të kësaj shkolle, tash e tutje mësuesja
Miradije dhe të zgjedhurit e sajë kuvendojnë në gjuhën e tyre amtare), para
pjesmarrësve, në fjalën e rastit, foli për vlerën e gjuhës amtare, miqësinë me
dhe mikpritjen shqiptare.
" Ndjehem shumë e lumturë që në historikun e shkollave shqipe të Stuttgart- it
me rrethinë rrespektivisht në Backnang, data 01. 02. 2013, hyri si datë dhe
ditë e shenjtë për shqiptarët që jetojnë dhe punojnë në këtë qytet". (Miradije
Gashi)
"Me përkushtim të madh arritëm ne prindërit që prej sot fëmijët tanë të
familjeve Buzuku, Maliqi, Krasniqi, Prushi, Delija, Çollaku, Morina, Gashi,
Hoti, Kurti, Ademi, Elezaj, Vardari,Godanci, Haxha dhe prej nesër edhe të
tjerët t'i ndjekin mësimet në gjuhën shqipe.Sot, ditën e parë për shkak të
gripit munguan gjashtë nxënës.(Zojë Buzuku)
Xhevat Muqaku, 05.02.2013 në Singen