1.Më gjeti
Më gjeti si Ahabi-Mbreti i judenjëve
(këtij nuk i hynte në sy mbretëria!)
Kërkonte vreshtën e Nabotit
S'e kishte... dhe vdiq nga mërzia.
Dhe mua nuk më ndahet mërzia
(jo se dua vreshtën e Nabotit)
Mua më mungon Shqipëria
Që s'e kam parë,kaluar motit
15 prill 2002
2.Udhët e fshatit tim
Ato udhët e fshatit tim,në një fshat,në Shqipëri
I kujtoj me përdëllim;sa të shtrenjta janë tani!
Dhe,në dimër,në kanë baltë apo pluhur kanë në verë
Në kurbet më duken mjaltë;në mos mjaltë,po janë sheqer
Në kurbet kam nostalgji,për çdo gjë nga vëndi im
Për Shqipëri kam dashuri;po këputet shpirti im
Po për fshatin më nget malli,se kam kohë unë pa e parë
Copëra-copëra m'u bë xhani;gati t'ia marrë me të qarë.
7 prill 2002
3.Pse brengosem?
Kam arsye që të jem i brengosur
Se malli për vëndin më kaploi
Shpesh herë ngjaj me një xhind të marrosur
Sikur mëndja nga unë,iku,fluturoi.
Aq sa tunjatjetës ia kthej plaç
Trupi me morrnica dhe flokët ngrihen gjëmb
Mos më gjykoni si plak trazovaç
Por jam i brengosur,se shpirti më dhëmb
12 dhjetor 2003
4.Miq,hallin më qani!
Shpesh zë e pyes veten:
-Përse erdha unë këtu? *
Pse s'e theva unë kokëshkretën
A t'i hyja unë me dru?!
Se e bëra porsi breshka
Kërkoi gozhdë tek nallbani
"Çfarë këkova,erdh i gjeta?!"
Miq,o miq,hallin ma qani.
*aludohet për mërgimin
18 dhjetor 2003
4.Ditët ikin
Ditët ikin si pakuptuar
Siç ikën e çahet një flluskë sapuni
Kjo ndodh se jam i stresuar
Dhe më duket sikur ditët i merr lumi
I merr lumi dhe tutje i çon në det
(se unë ditët sikur fare nuk i shoh/!!!)
E ç'të shoh më parë këtu,në kurbet,
Kur këtu edhe veten time mezi njoh?!...
19 dhjetor 2003
5.Më prisni
Më prisni!Kam vënë krahë dhe po fluturoj
Drejt vëndit tim që me asnjë nuk e ndërroj
S'më trëmb oqeani;i madh,pa kufi
Më prisni,o miq,a s'jam zog unë tani?!
19 dhjetor 2003
6.Si ta shtysh kohën?
Si ta shtysh kohën ,kur e ke me pashë
Edhe në ke hall, me kë do ta qashë?
Shok nuk ke gjëkundi; s'bëhet fjalë për mik
Mërzia të mund dhe zë bëhesh nevrik.
Nervat t'u bënë tel dhe mënd po këputen
Sikur kam bërë turp dhe s'di ku të futem
Dua ta shporrë mërzitjen,ta heqë si çiban
Miq,t'ma dini hallin!Aha,sa keq që jam!
29 janar 2004
7.Mall
Oqeanin do ta thaj:do ta thaj a do ta pi
Edhe frymën do ta mbaj,mu aty,në Shqipëri
Se më griu,më griu malli sa për miq dhe sa për shokë
Mu si eshkë më digjet xhani;trup e shpirt jam bërë ulok.
14 shkurt 2004
8.Sa do më pëlqente
Sa do më pëlqente që të kisha një shtëpi
Aty,mes pyllit,ku këndojnë zogjtë
Një kopsht dhe një bahçe të kem përbri
Dhe një çair ku të kullosin dhëntë a loptë.
Se unë brez pas brezi jam fshatar
Dhe s'ndahem dot nga peizazhi fshatarak
Ta dini,ta dini sa malli më ka marrë
Nga që asgjë nga këto s'kam,bëhem zëmërak.
25 shkurt 2004
9.Unë jam heroi i "Shkretirës tartare" *
Siç duket,historinë e "Shkretirës tartare"
Dino Buzzati e ka shkruar për mua?!!!
A s'erdha për pak dhe mbeta për fare
Në këtë vënd të largët,nga vëndi që dua.
Pra,unë jam ai oficeri i mbushur me shpresë
Se ja,për pak,e nga këtu do shkoj
Po mbeta kaq kohë(vjete gati pesë?!)
Më thoni tani nga ai sa dalloj?!...
*Vepër e Dino Buzzatit
4 mars 2004
10.Mëndja ime
Mëndja ime-britmë lufte
Tërë kohës në alarme
Nisem unë si plumb pushke
Për t'u sosur asaj ane
Asaj ane,andej,larg
Për matan oqeanit
Sepse shpirtin e kam plagë
Plagë e kam atë prej mallit
As më trëmb aspak largësia
Oqeani sa një pikë
Oqean më është dashuria
Në Shqipëri nisem vërtik
10 mars 2004
11.Trupi yt
Trupi yt- purtekë dyfeku
Sytë të shkruar dhe vetëm qeshin
Nga mos më "ikë" tepeleku
Sytë e shkruar po më "përqeshin?!"
Unë "përqeshjen" s'e duroj
Ndaj dhe sulem,të "hakmerrem"
Pa më thuaj,moj shpirte,moj
Pse ndër këmbët e tua "shkrehem?!"
Do të "shkrehem",domosdo
"Dyluftimi" qe i egër
Syri i shkruar,mos më ngacmo
Se s'duron ashiku i vjetër
S'e lë hakën unë pa marrë
Po në sulm:bjerë a vdis
Ja,kështu,o syri i shkruar
Shkoi kjo"punë" dhe u bitis.
2 mars 2006
12.Hutim
Më hutove,bukuri
Sado plak,po lashë mëndjen
Dhe mos duket hiç çudi
S'e zotëroj tani,më gjëndjen.
E humbas fare pusullën
Si Xhaferri,thonë,simiten
Edhe ndjek pas teje gjurmën
Që të shoh,qoft edhe "hijen"
Edhe "hija" më mjafton
Aq imazhi më ka prekur
Bukuria më verbon
Dhe tani që jam i vjetër.
Edhe pres i mbushur shpresë
Mbase dukesh përsëri
Shpresa vdes kur unë të vdes
Më hutove,bukuri!...
8 mars 2006
13.Viatnamezia Nga!
E njoha në shkollë viatnamezen Nga
E njoha,ç'e njoha,po mëndja më la.
Më bëri për vete buzëqeshja fëminore
Se qe e gjitha:si freski mëngjesore.
Kur fliste,nis,skuqej sikur kish bërë turp
Një tjetër,më të bukur?Nuk shihni.Jo.Nuk.
Me mollëzat e faqeve made in Azi
Më hëngri,më bloi, me syrin e zi.
Po buzët e fryra,mafishe,me tul
E zë vietnamezen dhe e puth me vrull
E kapa me dorë dhe qe valë e ngrohtë
Zë gjaku me gulçe në timen aortë.
Puth e puth e bot,nuk ndjeja të ngopur
Dhe ajo më puthte;me të qemë "rrokur"
Rrokur e pushtuar,se aq shumë u "nxehëm"
Dhe si në çdo betejë,më pas dhe u "shkrehëm..."
9 mars 2006
14.Katerina
Ç'të ka gjetur Katerina që më rri menduar
Mos mendon,moj Kateriana.dashurinë e shkuar?
Shkoi e vajti dashuria,për ne Katerinë
Se ka ardhur pleqëria dhe nuk ka më kthim.
S'ka më kthim në kohë të shkuar;s'ka,moj Katerinë!
Ajo kohë,tash,ka perënduar dhe kem nostalgjinë.
Nostalgjia na pushton;mbi ne vë domenin
Edhe zë dhe na mundon,sa mbajmë dot helmin.
Englendisemi kot së koti,futur në mendime
Ç'bie sahati,s'e sjell moti, o moj mikja ime
Ndaj mendimet sikterisi;përzëre trishtimin
Dashuria shkoi,bitisi;dëgjo,Përparimin!
Lëre mëndjen të marrë brinjën si dele e trullosur
Dashuria na la hijen;mjaft kemi kullotur
Shih me sy e plas me zëmër;shkoi kjo"punë" e vajti
Zëre se ja"qe në ëndër";na ka ikur vakti...
10 mars 2006
15.Sytë e trëmbur
I shoh sytë e "trëmbur" dhe dua të di shkakun
Se sa nuk jam çmëndur,të madh kam merakun
Më thuaj,moj ashike, ma hiq kasavetin
Se ta dish,moj mike,po jap selametin.
Se nuk dua të shoh tek ti hiç shqetësim
Rënkoj dhe bëj "oh!",për ty,shpirti im
Kur shoh sytë e "trëmbur";trëmbem edhe unë
Në bëj si i çëmndur,më ka zënë me shkumë
10 mars 2006
16.Nostalgji
Ku do jesh,o mikja ime;ku do jesh tani?
Se jam kapur nostalgjie,aq sa vet e di
Mëndja ime bërë tufan,ka arsye pse
Zë e bredh si me revan:si kalë hergjele.
Çan e çan që nga largësia,edhe mbrrin tek ti
E ka kapur nostalgjia,mike,moj,.për ty!
Dashuri që i mposht vitet,aq e aq dekada
Si një zjarr që hiç nuk fiket,si nëpër balada
Rrri i fshehur gjithmonë zjarri dhe s'i duket flaka
Se në zëmrat tona malli,jo,jo:nk u mpaka.
Sado erdhi pleqëria,sado nga ti larg
Porse mëndje mu tek mikja;për të imi varg.
15 mars 2006
17.Symëshqerra
Më kalon një symëshqerrë,edhe bën sikur s'më sheh?!
Sikur vrarë të jemi prerë(vrarë e prerë të jemi ne/!)
Më kalon me çap të rëndë;aq të rëndë,sa tundet vëndi
Domethënë,ka vënë "pëndë";ndaj dhe mua gati më çmëndi.
Edhe sulem pas asaj;tani unë jam tërë inat
Se s'e kam hiç kollaj(ende "bukën" s'e ha thatë!!!)
Dua që qejfin t'ia tregoj që s'ma vari asnjë çikë
Se më çmëndi,më tërboi(të hakmerrem dua dhe pikë)
Por inati qe i madh,dhe "mundësia" qe e vogël
Se i lart më qe ai "gardh",dhe më erdhi mëndja rrotull
E pandeha shesh me lule(ja,e zura symëshqerrën)
Ah,ç'më bëre,velahule!E kujtoj dhe zë tmerrën.
15 mars 2006
18.Era e ngrohtë e marsit
Era e ngrohtë e marsit ta zbërtheu fustanin
Mua aq më tramaksi,sa nuk dhashë xhanin
Se të doli gjiri cullak,na përjashta
S'duroj se jam"plak;",o moj,që të qafsha!
S'duroj se kam "cipë",jam në moshë të shkuar
Më të rëntë një pikë,se më ke shkalluar
As që e mbulove(ty,xhani,ta dashka)
Ah, se ç'më tundove!Plasa,mike,plasa...
17 mars 2006
19.Pastaj
Buzën seç ta dhashë,se aq shumë ngulmove
Por mëndjen sa s'lashë(po më tej ç'kërkove?)
Më kërkove gjiriin;ta dhashë,ma kafshove
Sa nuk lashë fiqirin,aq"keq" ma punove.
Domosdo që thirra,aq mua më dhëmbi
Se desh më ra"pika",kur më hyri "gjëmbi"
"Gjëmbi" seç më shpoi,sa më "përcëlloi"
Unë mbeta pa gojë dhe ti,po pa gojë...
17 mars 2006
20.Gruaja dhe lulja
Dhe ngjan një grua me lulen
Sa ç'ngjan një pikë me pikën
A nuk "fishken" e "thahen" të djya
Po nuk " u vaditën?!..."
10 mars 2010
--
Shënim për autorin
Përparim Hysi ka lindur në vitin 1943 në fshatin Peshtovë të Fierit. Ka mbaruar studimet e larta për gjuhë-letërsi me korespondencë dhe ka punuar 41 vjet arsimtar në fshatra. Në vitet 1996-2000 ka punuar si inspektor në Drejtorinë e Arsimit në Fier ku mbulonte gjuhë-letërsinë. Në vitet e pluralizmit ka botuar vëllimet me poezi "Regëtimat e dashurisë", "Prushi i dashurisë", "'Luftë' me dashurinë", "Më piku dashuria" dhe e ka gati vëllimin poetik "Kot jam i vdekshëm". Ka dhjetë vjet që ka mërguar në Amerikë. Është anëtar i Lidhjes së Shkrimtarëve Shqiptaro-Amerikanë. Shkruan gjithashtu tregime, recensione për librat, artikuj e të tjerë.