VOAL - Online Zëri i Shqiptarëve - Noemi në The Times: Berluskoni nuk është babai im

Voal-online Të vetmen intervistë të deritanishme Noemi Letizia ka pranuar t'ia japë gazetës The Times të Londrës. Fytyra e çupërlinës bjonde, ditëlindja e 18-të e së cilës ka marrë përmasa botërore, është shfaqur edhe në ishullin britanik. Tema e intervistës është kureshtja nëse vërtetë kryeministri italian është babai i saj. Nisur nga fakti se ajo e thërret atë ngrohtësisht "babi" ("papi"). Diçka që është hedhur poshtë vendosmërisht nga Noemi. Edhe babai Benedetto, 50 vjeç, ishte i pranishëm me Lucy Bannerman, gazetaren që ka marrë intervistën. A është Berlusconi babai juaj? "Jo. Absolutisht jo. Babai im është ky këtu." Kështu përgjigjet Noemi gazetës që merret gjatë me "rrethanat misterioze të njohjes midis Benedetto Letizia, të konsideruar nga shtypi italian si "Zotëri Askushi", e Berlusconi-t..." Si është mundur që një njeri si puna juaj të njihet me Berlusconi-n? "T'i shikojmë gjërat na ana e kundërt replikon Benedetto Letizia si është e mundur vallë që Berlusconi njihet me një njeri si unë? Pse nuk më pyesni kështu?" Pyetjes së riformuluar babai i Noemit i përgjigjet se

"me zemër në dorë jua dëshmoj miqësinë me njeriun më të pasur të vendit" dhe shton: "Jemi miq të mirë, e kemi në zemër njëri tejtrin." "Lideri ynë është një njeri i popullit thotë Benedetto Letizia çfarë është një lider nëse nuk pi një kafe me njerëzit e zakonshëm? Berlusconi është pranë njerëzve. Përndryshe nga do t'i merrte ai votat?" A do të ishte një privilegj për cilindo zgjedhës të partisë së Berluskonit që të ketë në ditëlindje Kryeministrin e Italisë? Babai i Noemit buzëqesh dhe ia kthen: "Është një lidhje e mirë, apo jo? Do ta kem Berlusconi-n gjithmonë në zemrën time, nuk e kuptoj pse jo. Në vendin tonë liderët nuk ndërveprojnë me njerëzit?"