Voal-online "Ajo është një njeri që unë e admiroj shumë, një mike që ka hyrë në jetën time," ka thënë bashkëjetuesi aktual i këngëtares superyll, Jesus Luz, në emisionin bisedor televiziv brazilian Fantastico. "Më shumë se kaq nuk mund të them. Ajo është mikja ime, thjesht mikja ime."
Për fotot e publikuara, ku ai blen stoli me simbolet e religjionit Kabbalah, ai thotë: "I bleva këto stoli sepse ato janë të frymëzuara nga Kabbalah. Nëse unë ia dhuroj ato dikujt, atëherë do t'ia dhuroj nënës sime ose një mikeshe. Unë nuk kam asnjë plan për martesës ose për ndonjë dhuratë martese."
Miqësia midis Luz, 22 vjeç, dhe Madonna, 50 vjeçe, nisën në fillim të këtij viti, pasi ata u prezantuan nëpërmjet një fotoje të bërë nga fotografi Steven Klein. "Maddona mendoj se është e mrekullueshme, një njeri plot me energji pozitive, një njeri i hatashëm, mos ia shikoni të metat," tha ai në Fantastico.
Modeli brazilian dha pak hollësi nga biografia e tij: "Jam një djalë I qetë. U rrita në Rio De Zhaneiro, e kam pëlqyer gjithmonë natyrën, plazhet, ruajtjen e formës sime fizike, punën, shëndetin. Unë shkoj në kishën ungjillore, katolile, bëj joga, përdor mënyra të ndryshme për ta takuar Zotin brenda vetes sime."
Dhe je një burrë për një zonjë ? "Gjithmonë kam dashur të kem fejesa serioze," tha ai. "Nuk më kanë pëlqyer fejesat e rastit."
Një gjë që ia ka mësuar Madonna është të mos çajë kokë çfarë thonë mediat. Sidomos që I thonë një Boy Toy. "Në të vërtetë," theksoi ai. "Unë asnjëherë nuk ua kam vënë veshin të tjerëve se çfarë thonë për mua, sepse po ta lejoj negativitetin të hyjë në jetën time, atëherë nuk mund ta vazhdoj rrugën time."
Comments (0)
Dërgoja shokut
Printo
