Los Anxhelos, 11 Dhjetor 2011, 12:05 - Lusius Foster (89), babai i aktores Xhudi Foster, është dënuar me pesë vjet heqje lirie, por kjo masë e shqiptuar është e butë, pasi që dënimi maksimal për mashtrim është 25 vjet.
Ai merret me ndërtimtari dhe për një kohë të gjatë ka pasur kompaninë e tij për ndërtimin e banesave. Para një kohe ai kishte marrë një sasi të mirë parave nga investues të ndryshëm dhe blerës të huaj, duke iu premtuar se do t'iu ndërtojë banesa.
Por, ai nuk kishte realizuar kurrë premtimin, kështu që i gjithë rasti përfundoi në gjykatë. Pas disa javësh, ai u dënua për mashtrim, por edhe për kryerje të punimeve pa leje ndërtimtarie.
Xhudi Foster nuk ka dashur të komentojë vendimin e për dënimin e babait të saj, me të cilin ajo ka shkëputur marrëdhëniet që disa vjet. Lusius Foster kishte braktisur nënën e Xhudi kur ajo ishte pesë muaj shtatzënë.
(http://www.kosovapress.com)