VOAL - Online Zëri i Shqiptarëve - Xheri Halliuell më single se kurrë

Voal-online Ajo që duhej të ishte dashuria më e madhe, në fakt ka zgjatur vetëm katër muaj. Këngëtarja Geri Halliwell e ka ndarë të fejuarin e saj, biznesmenin italian Fabrizio Politi. Ish Spice Girl hatte e pati njohur manjatin në dhjetor në një disko, një muaj më vonë janë fejuar zyrtarisht. Një mikeshë e Halliwell i ka rrëfyer gazetës tabloide angleze The Sun, se si kuqaloshja e ka ndarë të dashurin e saj: "Javën e shkuar, Geri, sapo u zgjua nga gjumi një mëngjes, mori vendimin: ai nuk është tipi për t'u martuar me të. Asaj i kanë pëlyqer marrëdhëniet me italianin, pastaj ia ka vënë gishtin kokës: asaj i mjafton bija e saj Bluebell që të jetë e lumtur." Dyvjeçaren Bluebell ajo e ka nga një lidhje e mëparshme me skenaristin Sacha Gervasi. Politi nuk ka bërë asnjë reagim ndaj vendimit të Halliwell. Mikja e këngëtares beson se do ta kalojë edhe këtë ndarje pa ndonjë dramë. Ajo shton: "Fabrizio është i zemëruar, por ai e respekton vendimin e këngëtares." Muajin e shkuar patën vërshuar lajmet se Halliwell dhe Politi do të martoheshin në verë në qytetin amerikan të lojërave Las Vegas. Thuhej edhe se çifti kishte biseduar edhe lidhur me fëmijët që do të kishin së bashku. Mikesha e Ginger Spice nuk është e befasuar nga vendimi i Geri Halliwell, përkundrazi thekson se këngëtarja 36 vjeçarja është e njohur për gjakftohtësinë e saj në situata të tilla. Halliwell është, nga ana tjetër, një natyrë e tillë që nuk mban gjëra të fshehta nga jeta e saj. Në një intervistë të para disa javëve ajo sqaronte: "Unë jam një femër e pavendosur. Një minutë më herët mendoj për dikë se ai është dashuria e jetës sime, minutën tjetër mendoj se ai nuk është asgjë për mua. Unë jam një labirint ankthesh."