VOAL - Online Zëri i Shqiptarëve - Maraja Keri dëshiron të lindë fëmijë

Voal-online Diva e muzikës soul Mariah Carey ka qenë kohët e fundit në një klinikë për të ngelur shtatzënë. Këngëtarja 38 vjeçare dhe i shoqi Nick Cannon kanë forcuar vitin që shkoi lidhjet bashkëshortore. Në këtë kontekst shihet fakti që ata kanë shkuar në Reproductive Center të Beverly Hills në Kaliforninë Jugore. Mediat thanë se ajo është takuar me specialistë të ngeljes shtatzënë. Një i brendshëm ka treguar për blogerin Perez Hilton: "Nick dhe Mariah bëjnë gjithçka, pikërisht gjithçka, për të pasur një fëmijë të tyre. Ka rrafsh një vit që ata po e kërkojnë këtë gjë në çdo mënyrë, prandaj kanë shkuar në klinikën e shtatzanive për të gjetur ndihmë në realizimin e ëndërrës së tyre. » Këngëtarja dëshiron që patjetër të bëhet nënë para se të ketë mbushur 40 vjeç. Ajo është gati të pranojë edhe shtatzaninë artificiale. Të njëjtën mënyrë ndoqi kolegia e saj Jennifer Lopez. Dhe kështu ajo solli në jetë binjakët Max dhe Emme. Maraja dhe i shoqi nuk e fshehin fare dëshirën e tyre për të pasur fëmijë. Cannon e përshkruan kështu këtë dëshirë: "Ne duam të shumohemi. Kjo do të ndodhë patjetër." Edhe Mariah Carey e vërteton dëshirën e saj për të pasur fëmijë, por nuk i pëlqen që të spekulohet nga mediat për këtë: "Nuk më pëlqen të përflitet kjo gjë. Rëndësi ka që unë kam ndryshuar qëndrim ndaj mëmësisë. Ne do të bëhemi prindër. Dhe do ta gjejmë patjetër mënyrën se si."