Voal-online -LONDËR (Reuters) - Një minister britanik tha se më shumë se një e katërta e popullsisë së botës pritet të shohë në televizor martesën mbretërore të Princit William dhe Kate Middleton.
Zëdhënësi i kryeministrit David Cameron tha se Ministri i Kulturës Jeremy Hunt ka thënë gjatë një takimit të shkurtër të qeverisë se pritet të jenë 2 miliardë shikues të dasmës, e cila bëhet më 29 prill. Ai tha se përgatitjet për dasmën po shkojnë shumë mirë.
"Ministri i Kulturës ... tha se dasma ka mundësi të jetë një ngjarje e madhe botërore e shikuar nga 2 miliardë veta anembanë botës," tha zëdhënësi.
Nja 750 milionë veta e patën shikuar dasmën e babait të Williamit, trashëgimtarit të fronit Princi Charles me Princeshën Diana në vitin 1981, ndërsa disa raporte dhoenë se funeralin e Princeshës Diana në vitin 1997 e patën shikuar 2,5 miliardë veta.
Në botë jetojnë nja 6,9 veta, sipas faqes së Internetit të Zyrës së Regjistrimit të Popullsisë të SHBA./Elida Buçpapaj
(http://www.reuters.com)