BURIM RAMADANI: CARLA DEL PONTE E BËRI KRYEMINISTËR THAÇIN
E Djelë, 12.18.2011, 09:55am (GMT+1)
Deklaratat e fundit të kryeministrit Hashim Thaçi për partitë opozitare kanë nxitur jo pak reagime te këto të fundit.
Sekretari i përgjithshëm i AAK-së, Burim Ramadani, ka thënë për KTV-në se se Thaçi duhet t'i falënderohet Carla Del Pontes, pasi sipas tij ajo e ka bërë kryeministër.
"Hashim Thaçi le ta falënderojë përjetë Carla Del Ponten, sepse ajo i ka mundësuar Thaçit që të bëhet kryeministër. Kur Haradinaj është akuzuar nga Tribunali i Hagës, ai ka qenë kryeministër i Kosovës dhe edhe sot mbahet mend 100 ditëshi i tij tejet intensiv. Po të kishte mundësi që Ramush Haradinaj ta çonte deri në fund mandatin e tij të kryeministrit, Hashim Thaçi nuk do të kishte asnjë shans për t'u bërë kryeministër. Deri në vitin 2007, sigurisht Thaçi do të ishte larguar nga skena politike dhe tash do të ishte harruar si politikan."
(http://www.koha.net)
www.voal-online.ch
|