Arratisja e bujshme e Aleksandër Kondos, afro tre dekada më parë, deri tani nuk
ka marrë ende atë rëndësinë dhe vendin e duhur, në demokracinë e Shqipërisë,
por vetëm janë bërë më shumë hipoteza. Shumë njerëz kanë folur: kanë folur për
arratisjen, kanë folur edhe për vrasjen e tij misterioze, por deri më sot
askush nuk ka sjellë atë se çfarë ndikimi mund të ketë pasur ajo në rënien e
komunizmit, arratisja e tij dhe pse edhe kujt i duhej në atë kohë vdekja e tij
- përse ai u lidh me grupet anti komuniste në Amerikë, përse një ditë më parë
se të vdiste ai udhëhoqi protestën anti-komuniste para Misionit të Shqipërisë
në New York?
Duke marrë shkas nga futja në jetën politike, mbas një periudhe të gjatë
"heshtje" , të Bashkim Pitarkës, ish ambasadorit të fundit, që i
sherbeu me devotshmërinë më të egër regjimit komunistë nga New York'u, kur
përplasja ndërmjet grupeve të emigrantëve antikomunistë dhe regjimit ishte
shumë e ashpëra, por edhe nga rrëfimi i njeriut, i cili dëshmon se çfarë
qëndrimi ka pasë Pitarka, në atë kohë ndaj "armiqve të popullit",
lind pyetja se " "Përse e kërkoi të "gjallë" Bashkim
Pitarka , Aleksandër Kondon ???....kur ai kishte vdekur!
Në një intervistë në Dhjetor, 2004, me njeriun që e ka njohur për së afërmi
Aleksandër Kondon, në Nju Jork, Ndrec Gjergj - Ndreu ose nofka që i thërrasin
shqiptarët e amerikës "Lala", ka deklaruar se ish ambasdori i fundit
që i shërbeu regjimit komunist në Misionin e Përhershëm të Shqipërisë në OKB-
Bashkim Pitraka, u ka thënë: "Te vdekur mbajeni ju Aleksander Kondon,
sepse, une ate e doja te gjalle, e pastaj e shihnit ju se si e dergoja ne
Tirane".
Më tej në atë intervistë Ndrec Gjergj - Ndreu, nje emigrant i vjeter ne SHBA,
mbretëror, dhe veprimtar i dalluar i komunitetit, antikomunist dhe besnik, për
gazetën kombëtare Bota sot ka deklaruar se: "Vdekjen e Aleksandrit ka
mesuar vetem pas tri oresh te aksidentit tragjik, kur shkova ne dyqanin e Ramiz
Danit, thotë ai në atë kohë, ishin disa nga shokët e Sandrit, që ishin me banim
në Manhattan, të cilët sapo i kishin telefonuar te piceria per të njoftuar se:
"Sandri vdiq".
Në intervistën e 21 dhjetorit 2004, ai sqaron se "Per t'u bere me te
sigurt, u nisem menjehere drejt vendngjarjes, qe nuk ishte shume larg punes
sone. Kur mberritem atje, i pari qe na tregoi per vdekjen e Sandrit, ishte nje
shok tjeter i tij, qe quhej Ndriçim Shpuza (Çim Shpuza). Ai na tha se vdekja
kishte ardhur nga nje aksident automobilistik, kur Sandri po udhetonte me
makinen e tij te vjeter, e tipit "Wolsvagen", ne afersi te nje kishe
ortodokse" është rrefyer Ndreca.
Ndreca ne rrefimin e tij hidhte dyshime mbi vrasjen, pavarësisht se me
"gisht nuk akuzon kërkend" duke thene: "Pas te gjitha atyre qe
mesuam rreth aksidentit, çfare kishte ndodhur me Aleksandrin, ne perseri nuk
ishim plotesisht te bindur dhe kishim dyshime se e verteta nuk ishte ajo qe na
thuhej ne, dhe ne, nuk duhej t'i besonim te gjitha ato çka po thuheshin. Kjo
gje na u perforcua akoma dhe me shume dhe na u konfirmua plotesisht, qe ne te
dyshonim per ta quajtur vdekjen e mistershme, kur u kthyem perseri te rruga.
Rruga ishte e gjere - rreth 10 metra dhe nuk kishte edhe nje makine per
"be", siç i themi ne shqiptaret per te dyshuar. Policia, nuk kishte
ndaluar asnjeri, veçse na thane se “ja ku eshte perplasur, pas ketij trungu
peme. Dhe ashtu ishte vertet, per te mos spekuluar, makina ishte e
shkaterruar pas pemes, por se si erdhi deri aty aksidenti qe i mori jeten, ate
nuk e di une? Vetem "Zoti e di" dhe eshte e veshtire ta
pershkruaj".
Mirepo, ne vitin 1994, nje deshmitar anonim ne Amerike, thuhet se i ka rrefyer
familjes Kondo, ne Tirane, se aksidenti me makine ndaj Aleksander Kondos kishte
qene i kurdisur nga dy shqiptare. Ata mendohet t'i kene prishur Sandrit frenat
e makines, gjate kohes qe ai po hante buke ne nje restorant ne Nju Jork. Po
keshtu, ata te dy i kishin hedhur Sandrit diçka ne ushqim dhe pas mbarimit te
drekes i kishin thene atij qe te shkonte me ta nga kisha ortodokse dhe e kishin
shoqeruar ate nga pas. Ata
thonin se, Sandri e mbante makinen pa frena dhe se ai tallej shpesh me nipin e
tyre, duke e vene ne loje. Per nje deshmi te tille u pyet Ndrec Gjergji, i cili
tha se nuk mund ta konfirmonte kete gje, pasi nuk e kishte degjuar vete
historine, ose te kete qene deshmitar ne kete ndodhi.
Per
te zbardhur sado pak te verteten e vdekjes "aksidentale" te
Aleksander Kondos, flet miku me i afert i tij, me te cilin u pa dhe per here te
fundit. Dhe për të hapur një pyetje që ende nuk ka marrë përgjigje
Aleksander Kondo u be simbol i peshengritjes shqiptare ne vitet '70- '80. Ne vitin 1985 emigroi ne token e premtuar, kur pas pak
vitesh gjeti vdekjen ne nje aksident automobilistik.
Zoti Gjergji, si e ke njohur peshengritesin Aleksander Kondo?
Se pari, deshiroj te identifikohem. Jam Ndrec Gjergji - Ndreu, emigrant i
vjeter politik ne Amerike, nje mbreteror i devotshem. Aleksander
Kondon e njoha qe ne ditet e para kur ai erdhi ne Amerike. Me te shkelur ne kete vend, ai u afrua shume me
organizatat dhe grupet anti-komuniste te komunitetit shqiptar. Ndonese, siç na
informuan atehere per ate, se ai vinte nga nje familje komuniste. Mirepo,
sjellja e tij dhe menyra se si ai kerkonte te luftonte komunizmin, nuk te jepte
asnje pershtypje dhe nuk te linte asnje fije dyshimi, se ai mund te kishte
ndonje lidhje me komunizmin.
Personalisht, ne mergim, ku kam me se 50 vjet, kam pasur rastin te njoh edhe me
pare shume elemente antikomuniste, por nje njeri si Aleksander Kondo, nuk kisha
hasur ndonjehere. Per Sandrin (Aleksandrin), komunizmi ishte nje armik i perbetuar,
qe duhej luftuar me te gjitha menyrat, deri ne vdekje.
Ai vinte çdo dite pothuajse ne picerine "Dany's Pizza" ne Queens,
dyqanin e Ramiz Danit, te cilin e kishte si mik. Ai kishte dite qe
dukej i shqetesuar, por nuk ishte shprehur se perse...? Ate dite para se te
ndodhte aksidenti tragjik, qe i mori dhe jeten, dikush erdhi dhe e thirri. Per
kete me tregoi Ramizi, i cili i kishte thene Sandrit se duhej te çonin veturen
per ne auto-ofiçine. Dhe kishin dale si "rrufeja" kur i thone, tamam
sipas shprehjeve profetike "tamam sikur e therriste vdekja!!!".
Ndonese i ri dhe nje njeri i privilegjuar ne Shqiperi, ne ate kohe, Aleksandri
zgjodhi çuditerisht rrugen e mergimit. Si mik i afert i tij, mund ta keni
diskutuar se cilat ishin arsyet qe e shtyne te linte vendin per te ardhur aq
heret drejt Amerikes?
Me Aleksandrin jam takuar per here te pare te piceria e Ramiz Danit, ne Queens,
nje vend i njohur, ku mblidheshin shpeshhere te arratisurit e asaj kohe. Dhe me
takimin e pare ai u prezantua ne menyre te habitshme, duke treguar biografine e
tij dhe te familjes deri ne imtesi. Ashtu siç edhe flisnin bashkatdhetaret, te
cilet ose e njihnin me pare, ose kishin degjuar diçka rreth tij, ai ishte nje
njeri shume i respektuar. Por, edhe ai kishte nje respekt te veçante per
legalistet dhe, veçanerisht, per patriotin dhe mbretenorin e oreve te para,
Ramiz Danin.
Ne kete kontekst, Aleksandri i fitoi zemrat e te gjitheve ne mergaten
shqiptare, dhe shume shpejt i beri per vete pothuajse te gjithe atdhetaret,
patriotet dhe demokratet shqiptare ne mergim. Aleksandri, per kete brez
mergimtaresh, nuk konsiderohej me si ndonje i "derguar" i sigurimit
te shtetit, ose si ndonjeri qe u arratis se i moren lopen, dhe e bene pa
deshire kooperative, por si nje shqiptar, atdhetar i papajtur me regjimin dhe i
pakenaqur me regjimin enverian, te cilin e urrente shume.
Ju thate se e urrente shume ate regjim, mund te na thoni se cilat ishin arsyet?
Ne ate periudhe qe Aleksandri erdhi ne Amerike, levizja antikomuniste ishte
bere shume e forte. Atehere ziente levizja antikomuniste, demonstratat me
flamurin pa yll, sloganet dhe thirrjet kundra qeverise komuniste, te cilat e
dritheruan Tiranen, dhe veglat e tyre ne mergim. Nje njeri, i cili ishte i
gatshem per te sakrifikuar dhe nxitur te tjeret, te ishin kundra Qeverise
komuniste, ishte vetwm Aleksander Kondo.
Edhe dy a tri dite, para se te
vdiste, nuk jam shume i sakte me datat, ai mori pjese ne krye te nje
demonstrate qe organizuam ne antikomunistet, para zyrave te Misionit shqiptar
prane selise se Kombeve te Bashkuara, ne Nju Jork. Aleksandri, aty u vu ne krye
te turmes dhe hodhi parulla anti-komuniste, demaskoi dhe beri thirrje per
permbysjen e atij pushteti. Mirepo, vendosmeria e tij dhe vullneti
per te sakrifikuar, duke demonstruar rrugeve te Amerikes, nuk ishte drejtuar
vetem kundra Qeverise komuniste ne Tirane.
Ato nuk mund te anashkaloheshin pa rene ne sy, ne vemendjen e Tiranes,
Beogradit e Athines. Gjithashtu, Aleksandri protestonte, deri atje sa vinte
veten ne rrezik, kunder regjimit serb, dilte hapur kundra grekeve ne vendet ku
ata banonin si emigrante ne Queens - Astoria. Me keto veprime, Aleksandri
deshmoi pa asnje dyshim se ai ishte nje antikomunist, nje atdhetar mjaft i
zjarrte.
Ç'mund te na thoni per dyshimet qe kane lindur, se ne vdekjen e Aleksandrit ka
dore sigurimi i shtetit dhe veglat e tyre ne mergim?
Nuk e di se si mund ta quaj nje
pyetje te tille, dhe se si mund te tingellonte kjo pyetje, pas te gjithe atyre
gjerave qe thashe me lart? Ambasada shqiptare ne Nju Jork, Aleksandrin e kishte
vendosur ne shenjester. Di te them se ai ndiqej ne çdo levizje dhe kontrollohej
nga njerezit e sigurimit, per çdo veprim qe mund te bente. Keshtu
qe jam i ndergjegjshem, te them se nuk kam ndonje te dhene te sigurte, se ne
vrasjen e tij “ka dore sigurimi, apo vertet eshte dora e sigurimit te shtetit
ne Amerike. Po mund te them me ndergjegje se vdekja ka shume dyshime te
mistershme.....
Ajo qe ngjall dyshime eshte me se e vertete. Ne ne vdekjen e tij menduam dhe thirrem
njeri-tjetrin, qe te behet ç'shte e mundur, qe kufoma me trupin e Aleksander
Kondos te dergohej prane familjes. Meqenese tani ai vdiq dhe nuk kishte asnjeri
ne kete vend, pra, s'kishte kush t'ja qante hallet, i themi ne shqiptaret e
vjeter, t'i thoshte nja dy fjale.
Si shqiptare qe jemi, e kemi ne tradite qofte edhe hasem, kur vdes tjetri
shkojme e i hedhim nje dore dhe.
Mirepo, ne derguam dy veta per te hyre ne bisedime me ambasaden dhe,
konkretisht, me ambasadorin e asaj kohe, Bashkim Pitarken, i cili, siç na
thane, kur u kthyen nga Manhattan, te pezmatuar, u kishte thene: "Te
vdekur mbajeni ju Aleksander Kondon, sepse, une ate e doja te gjalle, e pastaj
e shihnit ju se si e dergoja ne Tirane".
Si e moret vesh lajmin dhe rrethanat e vdekjes se Aleksandrit?
Sapo mberrita ne pune, dikush me telefonoi. Menjehere u nisa drejt
vendngjarjes, pasi ndodhesha ne momentet e fillimit te punes, vetem tri a kater
ore pas aksidentit.
Ne rruge, kur mberrita te vendngjarja, pashe vetem policine dhe hetuesit qe po
benin hetimet e çastit, dhe disa fotografime. U largova sapo mesova se e kishin çuar drejt spitalit,
me shprese se do ta gjeja te gjalle. Atje pashe qe ishin grumbulluar shume
shoke dhe miq te tij, nje pjese te tyre i shihja per here te pare, nga qe nuk i
njihja. Ne ato momente, Aleksandri ndodhej ne sallen e reanimacionit. Hyra ne
salle dhe me shperthyen lotet, kur e pashe ne ate gjendje, i demtuar jashte
mase dhe ne "gjumin" e vdekjes. I thashe si pa ditur lamtumire
Sandri, lamtumire or bir, po pse keshtuuu.... dhe dikush me terhoqi duke me
dhene pak kurajo. Ishte nje moment nga me te hidhurit ne jeten time. S'do ta
besoj me kurre ate çka ka ndodhur ate dite.
Vdekja e tij ishte nje humbje e madhe per mergimtaret tane, atdhetaret dhe
patriotet.
Ajo u prit me hidherim te thelle, duke ngjallur shume dyshime. Dyshime, te
cilat, edhe sot e kesaj dite jane mistere, qe per mendimin tim mund t'i
pergjigjet vetem ish-ambasadori i Tiranes ne Nju Jork, i atyre viteve, Bashkim
Pitarka, i cili qendron diku i fshehur ne saje te lidhjeve qe ka pasur ne ate
kohe dhe te ndonje statusi, qe ndoshta e ka fituar ne SHBA. Per
keto qe po them nuk ka asnje lloj spekulimi.
Çfare ndodhi pas ketyre qe po na
tregoni, a e mbani mend?
Njelloj sikur gjithçka te kete ndodhur sot. Rreth 200 a 300 mergimtare,
legaliste, balliste, antikomunistet, jemi mbledhur vetetimthi dhe ne menyre
spontane kemi krijuar nje fushate per te organizuar ceremonine mortore dhe
varrimin, duke e konsideruar Aleksandrin, si nje njeri te respektuar e te
dashur per te gjithe ne. Nje njeri qe nuk e meritonte ne asnje menyre
vdekjen tragjike, por meritonte respektin dhe nderimin e te gjitheve. Ne
arkivolin e tij u vendosen kurora me lule, ne emer te Organizates Kombetare
Levizja e Legalitetit, dhe te disa partive te tjera politike, qe vepronin ne
mergim. Ai eshte varrosur ne
varrezat publike ne Queens - "Cyprus Cementery Hills".
Intervista
është bërë më 21 Dhjetor 2004 në Queens - New York