Xi dhe zonja e tij, takim me Mishelë Obamën

Presidenti kinez Xi Jinping u shpreh të premten se ai mirëpriste takimin me presidentin e ShBA-së Barak Obama në Hagë të Holandës gjatë Samitit të Sigurisë Bërthamore javën e ardhshme. Ky do të jetë takimi i parë midis dy presidentëve këtë vit.

Xi mirëpriti gjithashtu pjesëmarrjen e homologut të vet amerikan në samitin e Bashkëpunimit Ekonomik të Azi-Paqësorit në Pekin në nëntorin e sivjetshëm.

Kreu i shtetit i Kinës i bëri këto komente gjatë një takimi në Pekin me "Zonjën e parë" të ShBA-së Mishelë Obama, i shoqëruar edhe nga bashkëshortja e tij Peng Liyuan.

Duke vënë në dukje se marrëdhëniet Kinë-ShBA janë shumë të rëndësishme për të dyja vendet dhe për botën, Xi shprehu kënaqësinë për marrëdhëniet e mira të punës dhe miqësinë personale me presidentin Obama.

Duke përcjellë urimet e bashkëshortit të saj, Mishelë Obama falënderoi z. Xi dhe zonjën e tij për pritjen e ngrohtë.

Znj. Obama vuri në dukje se ajo i nxit vajzat e saj dhe të gjithë të rinjtë amerikanë të dinë më shumë për traditat dhe kulturën e vendeve të tjera.

Ajo theksoi se tashmë ka shumë studentë amerikanë që mësojnë gjuhën kineze ose që studiojnë në Kinë. Sipas saj, angazhimi i të rinjve është shumë i rëndësishëm për marrëdhëniet ShBA-Kinë.

Presidenti Xi përshëndeti nga ana e tij zhvillimin e shpejtë të shkëmbimeve arsimore Kinë-ShBA dhe u bëri thirrje të rinjve të të dy vendeve të zgjerojnë vizionin e njohuritë e tyre dhe të shtojnë mirëkuptimin e ndërsjellë dhe miqësinë nëpërmjet shkëmbimeve.(Radio e Jashtme e Kinës)

Rating (Votes: )

Comments (0)

Dërgoja shokut

Printo

---