ARRESTIMI I FULLANIT, MBLIDHET SHOQËRIA CIVILE - MBI 13 MIJË FIRMA PËR SHKARKIMIN E GUVERNATORIT
E Shtunë, 09.06.2014, 12:13pm (GMT+1)
TIRANE - Arrestimi i Guvernatorit Ardian Fullani ka
ngritur në "˜këmbë' të gjitha strukturat. Shoqëria Civile ashtu siç
kishte njoftuar një ditë më pare është mbledhurt në vendin ku u
firmosën peticionet për largimin e Fullanit.
Drejtuesi i protestës për shkarkimin e Fullanit Zirkon Disha theksoi se janë mbledhur mbi 13,4 mijë firma dhe se këto firma do u dorëzohen institucioneve përkatëse.
"Jemi
në vendin ku për disa ditë janë mbledhur firmat e peticionit . Ka qenë
reagimi i publikut që ka ndikuar mbi drejtësinë për të ushtruar punën e
saj. Guvernatori është ende në detyrë. Ne do vazhdojmë të jemi vigjilent
ndaj ngjarjes. Kemi kërkuar që ai të jepte dorëheqje, gjë e cila nuk
ndodhi edhe pas tre ditë protestash pastaj vazhduam me nënshkrimin e
peticionit për një muaj.
Shpresojmë që politika të arrijë të
stabilizojë këtë situata sepse jemi me një guvernator që ndodhet prapa
hekurave, por ai është i pafajshëm deri sa gjykata të shprehet. Janë
mbledhur mbi 13 mijë firma. Firmat do u dorëzohen institucioneve. Ai nuk
është më guvernatori i shqiptarëve por është thjesht një guvernator në
detyrë. Ai duhet të kishte dhënë dorëheqjen."- u shpreh Disha.
Arrestimi
i Ardian Fullanit u bë pasditen e djeshme nga forcat policore të
kryeqytetit, pas një urdhri nga Prokuroria. Shoqëria Civile, menjëherë
pas zbulimit të skandalit të vjedhjes së 713 milionë lekëve nga Banka e
Shqipërisë, nisi një aksion duke firmosur peticion për largimin nga
detyra të Guvernatorit Ardian Fullanit.
www.voal-online.ch
|