BLICK-u ZVICERAN PYET - “IVANI I TMERRSHËM†ËSHTË KTHYER! SI HYRI KY HULIGAN NË STADIUM ? A I KA ARRESTUAR POLICIA HULIGANËT?
E Hënë, 10.27.2014, 09:08am (GMT+1)
 VOAL - Gazeta zvicerane Blick e ka parë të papranueshme praninë e një ultrasi si Ivan Bogdanov një emër i njohur mirë nga policia ndërkombëtare në ndeshjen Shqipëri-Serbi që u luajt në Beograd. Blick ka reaguar menjëherë më 16 tetor, duke pyetur që në titull se si u lejua e hyri ky huligan në stadium. Ja çfarë shkruan më tutje:
"Në skandalin e lojës Serbi-Shqipëri është përzier edhe një i njohur i vjetër. Huligani Ivan Bogdanov ishte i pranishëm ne trazirat e ndeshjes Itali-Serbi në vitin 2010.
Katër vjet më parë në vitin 2010 ai mori pjesë në Gjenova në përplasjen e lojës gjatë ndeshjes eleminatore për kampionatin Europian, ku nga trazirat e dhunshme u lënduan 17 vetë.
Përgjegjësi i këtyre trazirave serbi Ivan Bogdanov me nofkën e "Ivanit të Tmerrshëm", u arrestua disa ditë më vonë pas ngjarjes dhe në marsin e vitit 2011 u dënua me tre vjet burgim. Në prill të 2013 ai u lirua nga burgu.
Dhe ja tani përsëri Bogdanov u shfaq me imazhe që tregojnë se ai është bashkë me huliganët të cilët të martën, më 14 tetor zbritën në fushën e lojës në Beograd, ku u luajt ndeshja skandaloze kundër Shqipërisë.
Nuk dihet nëse policia ka arrestuar huliganët.
Përveç kësaj, lind pyetja spontane: Si e është lejuar që një huligan i tillë të lejohet të rihyjë në stadium?"
Pra, do kthyer në vëmendje këto pyetje të BLICK, të cilat ende nuk kanë marrë përgjigje - Si u lejua Bogdanov të hyjë në Stadium? Dhe - a është arrestuar Bogdanov?www.voal-online.ch
|
Comments (0)
Dërgoja shokut
Printo
A.jpg "DOLI NË QARKULLIM LIBRI I RI POETIK I ELIDA BUÇPAPAJT \"RAPSODI E GOLGOTËS SË TRANZICIONIT\""){kind=icon}
