VOAL - Online Zëri i Shqiptarëve - Mafia mund të investojë mbi 100 miliardë dollarë në vit

Voal-online "Është vërtetë se po troket rreziku që kriza ekonomike të punojë si përshpejtuese e mëtejshme e pasurive të paligjshme e kriminale." Prokurori italian antimafia ndan të njëjtin shqetësim me Presidentin e Republikës Giorgio Napolitano mbi rrezilqet e lidhura me kriminalitetin e organizuar. Në një intervistë në gazetën La Stampa ai shpjegon se "mafiet mund të kenë likuditet të pamasë dhe është provuar gjerësisht aftësia zaptuese e korruptuese e holldingjeve kriminale." "Në një moment të urisë për para nënvizon Grasso të cilat ajo i zotëron me shumicë, mund të infiltrohet lehtësisht në çdo institucion financiar. Mafiet kanë këshilltarë të përkryer profesionalë, kanë specialistë të zotë edhe për të manovruar kapitale për blerje të kontrollit të ndërmarrjeve të cilat janë të pastra por ndodhen në vështirësi." Grasso kujton se 60% e të ardhurave të mafieve vjen nga trafiku i drogës, i barabartë me mbi 100 miliardë euro në vit, një sektor që "nuk njeh krizë". Por me hetime "nuk arrihet të çrrënjoset", sepse "çdo vend ndjek linjën e vetë të kundërvënies": duhet të arrijmë përfundon Grasso "të harmonizojmë shkolla të ndryshme të kundërvënies, por kërkohet një vullnet i madh politik."