U hap Festivali i Kanës, Sharls Aznavur mjeshtër i ceremonive
E Enjte, 05.14.2009, 09:47am (GMT+1)
Voal-online Në bregdetin e kaltër francez, dje u hap zyrtarisht edicioni i 62-të të Festivalit të Kanës, një nga ngjarjet kryesore të përvitshme të kinematografisë botërore. Yjet e gjithë botës kanë shkelur qilimin e kuq të famshëm për të hyrë në Pallatin e Festivalit ku do të mbahej nata e parë e konkursit. Sivjet i ka takuar kantautorit Charles Aznavour të hapë ceremoninë e projeksionit të parë "Up" (Lart), film animativ bashkëpunim i studiove Disney-Pixar, me regji të Pete Docter. Në krye të jurisë është aktorja e mirënjohur franceze Isabelle Huppert, e cila më 24 maj do të përcaktojë se kush mes 20 filmave të përfshirë në garë do të marrë Palmën e Artë. Ajo ka thënë se juria do të punojë me shumë përgjegjësi për të dhënë verdiktin e duhur.
www.voal-online.ch
|