VOAL - Online Zëri i Shqiptarëve - Janë parë në oqean relikte të aeroplanit të zhdukur

Voal-online Kanë vazhduar gjatë natës dhe prapë sot pa rezultat kërkimet e avionit të Air France rënë në Atlantik me 228 veta në bord. Ndërkohë qeveria e Senegalit ka bërë të ditur se në ujërat territoriale të këtij vendi është parë një relikt i një avioni që mund të jetë ai që është zhdukur dje. Shtetet e Bashkuara kanë ofruar gjithë ndihmën e nevojshme për të përcaktuar shkaqet e rrëzimit të A330 të Air France zhdukur nga radarët gjatë fluturimit nga Rio de Janeiro për në Paris, ka siguruar presidenti amerikan Barack Obama në televizionin francez, i-TV. Lideri amerikan iu ka shprehur solidaritet familjarëve të udhëtarëve. Ekipet braziliane të shpëtimit "punojnë me mendimin e ekzistencës së të mbijetuarve," ka thënë mbrëmë presidenti Luiz Inacio Lula da Silva. Ndërkohë që kërkimet vazhdojnë për ta gjetur avionin, disa pilotë të linjës Paris-brazil të kompanisë braziliane Tam kanë njoftuar se kanë parë "drita të portokallta" mbi Atlantik nja 40 minuta pas kontaktit të fundit me radio të bërë nga avioni i Air France zhdukur pastaj në Oqean. Këtë ia ka bërë të ditur shtypit nënpresidenti brazilian JosÃ¨ Alencar, pasi kishte takuar në aeroportin ndërkombëtar të Rio de Janeiro disa familjarë të udhëtarëve në bordin e avionit të zhduluar. Alencar ka thënë se pilotët, të cilët po fluturonin në drejtim të kundërt me avionin e Air France, "kanë parë në fakt diçka që po digjej në ajër mbi Atlantik".