Ekuipazhi i aeroplanit Air France A330, që u rrëzua në Oqeanin Atlantik, ka dërguar 24 mesazhe brenda pesë minutave për probleme në aeroplan, njoftoi Byroja franceze për hetime dhe analiza.
Këto mesazhe kanë të bëjnë me defekte të ndryshme apo ndërprerje në punën e sistemeve, ndër të cilat është edhe sistemi për pilotimin automatik, tha Alen Bujar, përfaqësuesi i byrosë.
Ndërkohë, Franca dërgoi një nëndetëse bërthamore që të ndihmojë për gjetjen e mbetjeve të aeroplanit, i cili të hënën u rrëzua me 228 njerëz në bord.
Pajisjet zbuluese të sonarit mund të ndihmojnë të gjenden kutitë e zeza të aeroplanit, të cilat mund të emitojnë sinjal për 30 ditë.
Kërkimet e mbetjeve të aeroplanit janë vështirësuar nga moti i keq.
Për ditë të tëra u supozua se relikte të aeroplanit ishin parë mbi sipërfaqen e Oqeanit Atlantik. Qartësimi i faktit që pjesët e avionave në këto ujëra nuk i përkasin aeroplanit të zhdukur francez kanë bërë që të krijohen vlerësime të reja dhe të merren masa të tjera për të gjetur aeroplanin e zhdukur të hënën.
Comments (0)
Dërgoja shokut
Printo
