Një shpërthim i fuqishëm tronditi kryeqytetin afgan, duke e mbushur qiellin me shtëllunga tymi.
Dëshmitarët thanë sot se shpërthimi tronditi ndërtesat në Kabul dhe se tymi duket se dilte nga një zonë pranë ambasadës së Shteteve të Bashkuara.
Deri tani nuk ka pasur informacion për viktima.
Shtetet e Bashkuara kanë dërguar mijëra trupa shtesë në Afganistan për të ndihmuar në ruajtjen e sigurisë së vendit para zgjedhjeve presidenciale që mbahen të enjten.
Ekstremistët talebanë kanë kërcënuar se do t'i minojnë zgjedhjet e 20 gushtit me sulme ndaj qendrave të votimit dhe votuesve. Javët e fundit numri i sulmeve është shtuar.
Këtë javë, ish-presidenti afgan Berhanudin Rabani i mbijetoi një prite të talebanëve në një zonë të Afganistanit verior ku sulmet e militantëve janë shtuar kohët e fundit. 
Comments (0)
Dërgoja shokut
Printo
