Voal-online Mediat botërore bëjnë të diturse kandidat presidencial Abdullah Abdullah shpall nesër (e dielë) zyrtarisht se do të tërhiqet nga raundi i balotazhit, ku ai do të kandidonte përballë Presidentit Hamid Karzai.
Zyrtarët thanë më herët se z. Abdullah do të tërhiqej nga balotazhi, nëse kërkesat e tij nuk plotësoheshin brenda ditës së sotme.
Zoti Abdullah është ankuar për besueshmërinë e zgjedhjeve dhe ka kërkuar shkarkimin e kryetarit të komisionit të zgjedheve në Afgansitan, Azizullah Lodin. Zoti Karzai nuk e ka pranuar kërkesën.
Sekretarja amerikane e Shtetit, Hillari Klinton, tha se një bojkot i zotit Abdullah nuk do të mund të kompromentonte legjitimitetin e zgjedhjeve.
Duke folur në Emiratet e Bashkuara Arabe sot, zonja Klinton tha se situata të tilla nuk janë të pazakonta, duke nënvizuar se ato ndodhin dhe në Shtetet e Bashkuara.
Balotazhi i 7 nëntorit ishte rezultat i hetimeve të një grup vëzhgues të OKB-së, i cili zbuloi parregullsi në shkallë të gjërë në votimet e 20 gushtit në Afganistan.