SHBA HETON NJË ISH DIPLOMATE AMERIKANE
E Premte, 11.07.2014, 01:19pm (GMT+1)
Robin Raphel, ish diplomatja amerikane
Departamenti amerikan i Shtetit, ka njoftuar se një ish diplomate amerikane dhe eksperte në Pakistan, ka mundësi që t'i nënshtrohet një hetimi federal, për kundërzbulim.
FBI po heton Robin Raphel, e cila një kohë ishte ambasadore e SHBA-së në Tunizi, kurse kohët e fundit ka punuar si këshilltare e lartë për të drejtat civile në Pakistan.
Zëdhënësja e Shtëpisë së Bardhë, Jen Psaki, ka thënë se punësimi i Raphel me Departamentin e Shtetit ka përfunduar teknikisht më 2 nëntor.
Raphel është pensionuar nga shërbimi i Jashtëm i SHBA-së në vitin 2005, por është punësuar si kontraktore në vitin 2009 për të mbikëqyrur të drejtat e civilëve në Pakistan.
Gazeta "˜The Washington Post', ka shkruar se hetimet ndaj saj, janë të zakonshme që lidhen me spiunim, edhe pse akoma nuk dihet saktësisht natyra e hetimit.
Po ashtu, nuk është sqaruar nëse hetimet ndaj saj përfshijnë periudhën sa ishte duke punuar në Pakistan.
www.voal-online.ch
|