Prishtinë, 30 mars 2011 (15.20)
Jemi pranë një realiteti, i cili u krijua nga një vendim i Gjykatës Kushtetuese, dhe me qenë se nuk ka vendim të plotë, krejt çka mund të thuhet për meida në këto momente, është diçka e mirë, sepse po shihet gatishmëria e të gjithë faktorëve për respektimin e Gjykatës Kushtetuese, ka thënë kryeparlamentari Jakup Krasniqi.
Kryeparlamentari Jakup Krasniqi dha këtë deklaratë të pas kthimit nga udhëtimi zyrtarë që zhvilloi në Hungari.
Duke folur për seancën, në të cilën është zgjedhur Begjet Pacolli president, ai ka thënë se ajo ka qenë publike dhe të gjithë njerëzit mund ta vlerësojnë dhe ta shikojnë atë.
"Nuk dua ta vlerësoj punën që kemi bërë në rrethana të ngutshme dhe mjaft të shpejta dhe e respektoj vendimin e Gjykatës Kushtetuese", ka thënë Krasniqi
I pyetur nga mediat nëse është i gatshëm të jep dorëheqje, pasi ka udhëhequr një seancë ku është shkelur Kushtetuta, ai ka thënë se nëse është interesi i Kosovës, është i gatshëm të mbrojë interesin e Kosovës./Kosovapress/
Krasniqi ndërpreu vizitën në Hungari
Prishtinë, 30.03.2011(14.00)
Kryeparlamentari i Kosovës,Jakup Krasniqi i cili po qëndronte për vizitë në Hungari, me ftesën e homologut të tij Laszlo Kover, kthehet sot në Kosovë, pa e përfunduar qëndrimin e tij katërditor në këtë vend mik.
Zyra për informim e Kuvendit ka njoftuar sot mediat për arritjen e tij në aeroportin e Prishtinës, në orën 14. Në njoftim nuk theksohen arsyet e kthimit të tij të parakohshëm, por spekulohet se kjo ndodhë për shkak të krizës së krijuar pas vendimit të Gjykatës Kushtetuese, e cila e shpalli Behgjet Pacollin president jokushtetuese.
Më herët dhe në ditën e nisjes së tij dhe të delegacionit që e shoqëronte, qe paralajmëruar se vizita do të zgjaste nga data 28 deri më 31 mars.
(http://www.rtv21.tv)