Voal-online - Presidenti Barack Obama dhe Zonja e Parë Michelle Obama kanë reaguar pas vdekjes së Steve Jobs, duke deklaruar se ai ishte "në mesin e novatorëve më të mëdhenj amerikanë."
"Michelle dhe unë u pikëlluam shumë kur mësuam për vdekjen e Steve Jobs. Steve ishte ndër novatorët më të mëdhenj amerikanë - aq trim sa të mendonte ndryshe, aq i guximshëm sa të besonte se ai mund të ndryshonte botën, dhe aq i talentuar sa për ta bërë atë."
Në një deklaratë të postuar në blog në Shtëpinë e Bardhë, Obama thotë se Jobs e "ka bërë revolucionin informativ jo vetëm të kapshëm, por edhe argëtues." Ai vlerësoi Jobs për gjenialitetin e tij si dhe për ndikimin që shkaktoi tek ne "për ta parë botën me një sy ndryshe".
Duke e ndërtuar njërën prej kompanive më të famshme të planetit nga garazhi i tij, ai identifikohet me gjenialitetin e shpirtit amerikan, duke na e futur internetin në xhepat tanë, ai e bëri revolucionin informativ jo vetëm të kapshëm prej nesh, por edhe intuitiv dhe gazmor." Më tej Obama shkruan se me talentin e tij ai gëzoi zemrat e miliona fëmijëve. Steve i pëlqente të thoshte se ai e jetonte çdo ditë sikur të ishte e fudit e jetës së tij, dhe sepse bëri këtë ai na i transformoi jetët tona, duke bërë që industria të ridefinohej e tëra, ndërkohë që arriti një nga sukseset më të mëdha të njerëzimit: ai ndryshoi mënyrën e ne të gjithëve për ta parë botën.
Bota ka humbur një vizionar. Dhe nuk mund të ketë nder më të madh për suksesin e Steve përveç faktit se shumica e botës e mësoi lajmin kalimit të tij nga kjo botë në një pajisje të cilen ai e shpiku. Michelle dhe unë i dërgoj mendimet dhe lutjet tona gruas së Steve, Lauren-it, familjes së tij dhe të gjithë atyre që e kanë dashur".