SOT PËR HERË TË FUNDIT DREJTON NJË MBLEDHJE TË KËSHILLIT TË MINISTRAVE
E Enjte, 09.05.2013, 07:01am (GMT+1)
Ai hyri në këtë zyrë 8 vite më parë, duke qenë pasues i Fatos Nanos. Ndërsa sot, Sali Berisha do të drejtojë mbledhjen e fundit të Këshillit të Ministrave.
Ndryshe nga Nano, Berisha ka nisur të bëjë "opozitë" ndaj mazhorancës së re, akoma pa u larguar nga pushteti. Nuk dihet nëse do të lërë një dosje për pasuesin e tij, Edi Ramën dhe nëse do të ketë një ceremoni për kalimin e pushtetit, por ai nuk do të jetë më Kryeministër i vendit me mbledhjen e parlamentit të ri javën e ardhshme.
Berisha është Kryeministri i 34-t në historinë e Shqipërisë dhe personi që ka mbajtur më gjatë këtë detyrë pas sistemit totalitar, plot tetë vjet. 69-vjeçari para se të zgjidhej kryeministër në vitin 2005, mbajti postin e presidentit në periudhën 1992-97.
Teorikisht, dorëheqja e tij nga drejtimi i PD-së dhe çdo funksion në këtë parti duhej të shënonte dhe fundin e karrierës së tij politike 23-vjeçare. Por në fakt një gjë e tillë, nuk ka ndodhur as praktikisht dhe as në të vërtetë.
www.voal-online.ch
|