E Enjte, 05.02.2024, 02:50pm (GMT+1)

Ballina Linqe Stafi Kontakt
 
 
::| Fjala:       [Advance Search]  
 
Gjithë lajmet  
LAJMI I FUNDIT
OPINONE-EDITORIALE
ZVICRA
INTERVISTË-PRESS
SHQIPTARËT
LAJME NDËRKOMBËTARE
POLITIKË
DIASPORA NË ZVICËR DHE BOTË
PERSONAZH
ART KULTURË
DOSSIER
KËNDI I SHKRIMTARIT
HOLLYWOOD
AFORIZMA
GOSSIPE
SPORT
::| Newsletter
Emri juaj:
Emaili juaj:
 
 



 
LAJMI I FUNDIT
 
SHOQËRIA CIVILE ËSHTË KUNDËR NDËRTIMIT TË TERMOCENTRALIT 'KOSOVA E RE'

E Djelë, 04.13.2014, 01:53pm (GMT+1)


Shoqëria civile në Kosovës kërkon që të ndërpritet procesi përgatitor për ndërtimin e Termocentralit "Kosova e Re".
 
Përfaqësues të Konsorciumit Kosovar të Shoqërisë për Energji, (KOSID) që janë marrë vazhdimisht me çështjet energjetike, konsiderojnë se në Kosovë ekzistojnë alternativa tjera energjetike që sigurojnë rrymë të mjaftueshme.   
 
Kushtrim Puka, nga Forumi për Iniciativë Qytetare, organizatë kjo pjesë e konsorciumit, thotë se KOSID-i është kundër ndërtimit të termocentralit të ri "Kosova e Re".
 
"Parimisht, ne jemi kundër ndërtimit të Termocentralit "˜Kosova e Re' dhe i kemi bërë shumë qartë arsyetimet tona. Ne mendojmë, nëse Qeveria do të kishte qenë seriozisht e përkushtuar për zgjidhje (të problemeve) në sektorin energjetik, ajo ka mundur të arrihet me një kombinim shumë më të mirë të përdorimit të efiçiencës së energjisë dhe përdorimin e burimeve alternative të energjisë", thotë Puka.  
 
E, përgatitjet për ndërtimin e Termocentralit "Kosova e Re" kanë filluar për më tepër se një dekadë. Aktualisht, në garë për ndërtimin e këtij termocentrali, gjenden katër konsorciume ndërkombëtare.
 
Zyrtarë të Ministrisë së Zhvillimit Ekonomik, në një përgjigje nëpërmjet postës elektronike, thonë se nga mesi i këtij viti do të zgjidhet kompania fituese, në mënyrë që vitin e ardhshëm të fillojë ndërtimi.
 
Por, ndërtimi i këtij projekti do të sjellë shumë probleme për banorët e disa fshatrave të komunës se Obiliqit, thotë Kushtrim Puka.  
 
"Kjo do të shkaktojë një numër të madh të familjeve të zhvendosura dhe problemet që kemi pasur me fshatin Hade dhe Dardhishte, mund të përsëriten prapë. Pastaj, ndikimet në shëndetin publik dhe ndikimet mjedisore. Për këtë arsye ajo që KOSID ka sugjeruar më herët, ka qenë të merren masa të menjëhershme sa i përket efiçinencës së energjisë, sidomos në sektorin e amvisërisë, që janë konsumatorët më të mëdhenj, pastaj edhe në sektorin privat", shpjegon Puka.
 
Në anën tjetër, ekspertë për çështje ekonomike konsiderojnë se projekti i Termocentralit "Kosova e Re" duhet të fillojë së ndërtuari sa më shpejt, në mënyrë që në fund të vitit 2017, të mbyllet Termocentrali "Kosova A", pasi konsiderohet ndotësi më i madh në vend.
 
Eksperti për këtë çështje, Palokë Berisha, shprehet se Kosova të vetmin burim të sigurt të energjisë ka thëngjillin, por duke mos anashkaluar as burimet tjera alternative.  
 
"Kosova, paralelisht duhet të zhvillojë edhe burimet e veta alternative që nuk janë të shumta, por megjithatë ekzistojnë dhe si të tilla të bëjnë një kombinim. Por, gjithsesi projekti i ri duhet të fillojë sa më parë, të mbyllet "˜Kosova A', të ndërtohet termocentrali i ri që plotëson kushtet bashkëkohore sa i përket teknologjisë", konsideron Berisha.
 
Por, cilat janë burimet alternative për sigurimin e mjaftueshëm të energjisë elektrike, pa ndërtuar termocentralin Kosova e Re, sipas KOSID-it?
 
Kushtrim Puka, jep më shumë hollësi:
 
"Qeveria duhet të punojë në retrofit komplet të Termocentralit "˜Kosova B', i cili mund të përmirësohet dhe të ngrihen kapacitetet prodhuese dhe të zvogëlojmë ndotjet që shkaktohen me instalimin e teknologjive më të reja në këtë termocentral".

"Përveç kësaj, Qeveria, nëse vazhdon me masa agresive në aspektin e programeve të efiçiencës dhe në kombinim me programe praktike për përshpejtimin dhe promovimin e investimeve në energji të ripërtërishme, do të të siguronte energji të mjaftueshme për Kosovën që të mos kemi nevojë të ndërtojmë një termocentral të ri".
                                 
Ndërkaq, zyrtarë të Ministrisë së Zhvillimit Ekonomi, thonë se Termocentrali "Kosova e Re" synon të zëvendësojë prodhimin e energjisë elektrike nga Termocentrali "Kosova A" dhe të plotësojë kërkesën e konsumit vendor, respektivisht synon të arrijë sigurinë e furnizimit.
 
Ky projekt ka pësuar shumë ndryshime. Në radhë të parë termocentrali kishte 2100 megavat, pastaj projekti riemërohet nga Termocentrali "Kosova C" në "Kosova e Re", ku prapë ulet kapaciteti prodhues në 1000 megavat.

Ndërsa, ndryshimi i tretë bëhet kur shpallet tenderi për ndërtimin e termocentralit me 600 megavat, pastaj nga pakoja tenderuese hiqet ndërtimi i Termocentralit "Kosova B".

Kurse, vitin e kaluar po nga pakoja tenderuese hiqen minierat e qymyrit.  
Ndryshe, Termocentrali "Kosova e re" llogaritet të jetë një ndër projektet më të mëdha në Kosovë, ndërsa kostoja për ndërtimin e tij, vlerësohet të jetë 1.5 miliard euro. rel

www.voal-online.ch


Rating (Votes: )   
    Comments (0)        Dërgoja shokut        Printo


Other Articles:
ALEANCA KUQEZI NESËR PROTESTË KUNDËR MINISTRIT TAHIRI - TA LARGOJMË AVOKATIN E GARDIANËVE GREKË (04.13.2014)
SHBA - PUTINI T'I NDALË PËRPJEKJET PËR DESTABILIZIM TË UKRAINËSNënpresidenti Joe Biden më 22 prill do ta vizitojë Ukrainën (04.13.2014)
STANDARD AND POOR'S E PËRMIRËSON PARASHIKIMIN PËR SHQIPËRINË (04.13.2014)
PD - NIS ZGJEDHJA E DREJTUESVE TË RINJ LOKALË (04.13.2014)
LDK-ja DHE AAK-ja MBËSHTESIN TRIBUNALIN SPECIAL (04.12.2014)
PROTESTË NË TIRANË PËR VDEKJEN E KARELIT - POLICIA SHPËRNDAN PROTESTUESIT ME SHKOPINJ GOME (Lajm dhe fotogaleri) (04.12.2014)
EURODEPUTETJA PACK - SHQIPËRIA MERITON STATUSIN KANDIDAT, POR RESPEKTOJINI INSTITUCIONET (04.12.2014)
TRIBUNALI PËR KOSOVËN NUK FILLON PUNË PARA VITIT 2015 (04.12.2014)
EKSPERTËT - MARRËVESHJA E 19 PRILLIT NUK I NORMALIZOI MARRËDHËNIET E KOSOVËS ME SERBINË (04.12.2014)
SERBËT KËRKOJNË KTHIMIN E VRASËSIT RADIÇ NË BURGUN E MITROVICËS (04.12.2014)



 
::| Lajme të fundit
::| Kalendari
Maj 2024  
D H M M E P S
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  
 
::| Hot News
KLIKONI NË WWW.VOAL.CH - ZËRIN E SHQIPTARËVE NË NJË DIZAJN TË RI - WWW.VOAL.CH  -  VOAL
80 TË RINJ AMERIKANË E MBAJTËN PARA KUVENDIT KONCERTIN ME KËNGË PATRIOTIKE SHQIPTARE
80 AMERIKANË KËNDOJNË SOT PARA KUVENDIT TË SHQIPËRISË KËNGË PATRIOTIKE SHQIPTARE
PROTESTA SOT NË SHKUP - TË DORËHIQET QEVERIA NË TËRËSI
NËNKRYETARI I PARLAMENTIT EVROPIAN KËRKON DORËHEQJEN E GRUEVSKIT
DEPARTAMENTI AMERIKAN I SHTETIT - NDJEKIM NGA AFËR SITUATËN NË MAQEDONI
MAQEDONIA NGRE TRIDHJETË AKUZA PËR TERRORIZËM
LUBOMIR FËRÇKOSKI - QEVERIA NË SHKUP PO NXIT TENSIONET NDËRETNIKEFërçkoski - Konflikti në Maqedoni s'ka të bëjë me “Shqipërinë e Madhe”
MANIFESTIM SPONTAN NË TIRANË 'KUMANOVË NUK JE VETËM'
MUSTAFA - 700 SHQIPTARË NGA MAQEDONIA JANË ZHVENDOSUR NË PRESHEVË

 
VOAL
[Shko lart]