PAS RAUNDIT TË NËNTË, KRASNIQI DORËZON NDESHJEN
Jürgen Braehmer rikonfirmohet kampion bote në kategorinë gjysmë të rëndë WBA
E Shtunë, 03.21.2015, 11:54pm (GMT+1)
Voal - Pas raundit të nëntë të ndeshjes, ekipi i boksierit tonë Haxhi Krasniqi ka dorëzuar ndeshjen, kështu që Jürgen Braehmer rikonfirmohet sërish kampion bote në kategorinë gjysmë të rëndë në versionin WBA.
Ndeshja ishte e fortë nga fillimi deri në fund, boksieri ynë ishte gjatë gjithë kohës luftarak, duke krijuar edhe epërsi ndaj kundërshtarit dhe duke e vënë disa herë në pozitë të vështirë.
Gjatë raundit të gjashtë, Krasniqi u ndodh nën breshërinë e grushtave të Braehmer, çka u përsërit edhe në raundin e tetë. Në raundin e nëntë duke vënë re një çast pasigurie të Krasniqit, Braehmer e vuri përsëri nën një presing të ashpër boksierin tonë, i cili u detyrua të mbahej tek litari anësor, duke pësuar kështu nokdaun.
Haxhi Krasniqi gjithsesi bëri figurë mjaft të mirë. Ishte vazhdimisht në sulm. Nëse do të kishte përpjesëtuar më me kujdes forcat, ndoshta do të ishte më afër fitores.
Pa dyshim, Krasniqi është një boksier me të ardhme të sigurt në elitën e boksit botëror.
www.voal-online.ch
|
Comments (0)
Dërgoja shokut
Printo
