Aktivistë në bord të anijes së fundit me ndihma që po shkon drejt Gazës thonë se janë të vendosur për të dërguar ndihmë humanitare, megjithë paralajmërimet e Izraelit se anija nuk do të lejohet të ankorojë.

Një ish fitues i çmimit Nobël për Paqe, Mairead Corrigan Maguire, që është në mes të 11 aktivistëve irlandezë dhe malajzianë në bord të anijes, i tha BBC se grupi nuk do të përdorë dhunë edhe nëse konfrontohej nga forcat izraelite.

Organizuesit thonë se anija Rachel Corrie pritet të arrijë në bregdetin e Gazës të shtunën në mëngjes.

Qeveria izraelite ka ofruar që të çojë ndihmën me anë të tokës pasi të ketë kontrolluar nëse ngarkesa ka armë apo jo.

Pas sulmit të së Hënës në gjashtë anije të tjera, reagimi i Izraelit po shihet me vëmendje, thotë korrespondenti i BBC.

(http://www.bbc.co.uk/albanian)