E Premte, 08.07.2020, 10:37am (GMT+1)

Ballina Linqe Stafi Kontakt
 
 
::| Fjala:       [Advance Search]  
 
Gjithë lajmet  
LAJMI I FUNDIT
OPINONE-EDITORIALE
ZVICRA
INTERVISTË-PRESS
SHQIPTARËT
LAJME NDËRKOMBËTARE
POLITIKË
DIASPORA NË ZVICËR DHE BOTË
PERSONAZH
ART KULTURË
DOSSIER
KËNDI I SHKRIMTARIT
HOLLYWOOD
AFORIZMA
GOSSIPE
SPORT
::| Newsletter
Emri juaj:
Emaili juaj:
 
 



 
OPINONE-EDITORIALE
 

SHQIPTARËT PËRBALLË NJË BETEJE TË PAPËRFUNDUAR

Nga BEQIR SINA, New York


E Premte, 02.18.2011, 02:59pm (GMT+1)

Fortlumturia e Tij, Anasatasios Janullatos, kryepeshkopi grek në Tiranë, thotë se nuk pranon të përzihet me politikën dhe as politika të përzihet me fenë. Çuditërisht, sa herë që flitet për Shqipërinë në parlamentin dhe qeverinë e Greqisë apo në qarqe të tjera, ai gjithmonë citohet, respektohet e nderohet nga të gjithë në shtetin helen.

BENSONHURST- BROOKLYN NY : Është pa dyshim një betejë e pa përfunduar e shqiptarëve me ekstremistët grekë në Shqipëri dhe jashtë saj, qofshin ata liderë fetarë, politikanë, diplomatë, gazetarë, historianë, studiues apo njerëz që në pamje të parë duken sikur nuk janë kërrkush.

Konsulli grek Theodhoros Ikonomu, në të njëjtën linjë me ultranacionalistët e shovinistët grekë në Shqipëri dhe në disaporën greke, ka ngacmuar dhe ka hapur një çështje për të cilën ata nuk i "zë gjumi". Ai ka përshëndetur "grekët e Korçës", me gjuhën Kryepeshkopit të të gjithë Shqipërisë, Fortlumturisë së tij Anastasios, dhe të antishqiptarit të deklaruar Nikolas Gejxh, duke përsëritur të njëjtin mesazh se edhe "në Korçë ka Grekër".

Ai është në të njëjtën valë me Vasil Bollanon e Himarës, me Vangjel Dulen, e PBDNJ-ës dhe me disa të tjerë që më shumë e ndjejnë veten grekë se sa "shqiptarë", siç vetëquhen ndonjëherë.

Nuk ka dyshim se të gjithë marrin këshilla të "ngrohta" nga Fortlumturia e Tij, Anasatasios Janullatos, pikërisht kryepeshkopi grek, i cili thotë se nuk pranon të përzihet me politikën dhe as politika të përzihet me fenë. Çuditërisht, sa herë që flitet për Shqipërinë në parlamentin dhe qeverinë e Greqisë apo në qarqe të tjera, ai gjithmonë citohet, respektohet e nderohet nga të gjithë në shtetin helen.

Të gjithëve u kujtohet ngjarja e Himarës në 12 gusht 2010, kur në aksidentalisht, pas një përplasje mes të rinjsh, u vra 35 vjeçari Aristotel Guma. Incidenti u shoqërua menjëherë me reagimet e fesë dhe kryepeshkopi Anastas nuk mbeti pa u përzjerë, ndonëse thotë se nuk pranon të përzihet me politikën dhe as politika të përzihet me fenë. Përsëri, është ky njeriu, i cili citohet, respektohet e nderohet nga të gjithë në Athinë, duke manifestuar, sipas tyre fuqinë e Greqisë dhe të shoqërisë greke në Shqipëri.

Rreth dy dekada më parë, më 4 gusht 1992, një kryeartikull i gazetës "Rilindja Demokratike", shkruante kështu për uzurpimin e Kishës Ortodokse Autoqefale Shqiptare nga një prift grek: "Edhe në qoftë se Zoti do t'ua falte këtë "gabim", nuk e dimë nëse Nëna Shqipëri dhe martirët e luftës për pavarësinë e kishës shqiptare do t'a kalonin në heshtje këtë mëkat të madh ndaj Atdheut të tyre. Përsëri, e theksojmë: vlerësojmë dhe respektojmë hirësinë e tij Anastas, ashtu si dhe popullin e shtetin grek, por në shekuj kemi luftuar që Shqipërinë t'a gëzojnë e drejtojnë Shqiptarët dhe mos t'a japim tani për një krodhë bukë, qoftë ajo edhe pa asnjë prapamendim".

Ja ç’ndodh sot, 20 vjet pas atij "gabimi" dhe një beteje të papërfunduar

Bashkë me dy deputetë grekë, konsulli grek ka mbështetur idenë e regjistrimit të "grekëve", ndërsa ka bërë thirrje për bashkim në emër të "Vorio Epirit". Dy deputetët grekë të Janinës dhe Follorinës, Mihalis Pandulas dhe Stathis Theodhoridhis, duke i quajtur me paturpësi "bashkëkombës" të ashtuquajturit "grekë" të Korçës, kanë ndërhyrë në mënyrë të trashë dhe të shëmtuar për të ndikuar që njerëzit të deklarojnë kombësinë dhe të regjistrohen si grekë. Ky presion i pashembullt ka qenë në thelbin e deklaratave të dy deputetëve grekë të cilët ishin të pranishëm në ceremoninë e 20 vjetorit të themelimit të degës së Omonias, ku ndodhej edhe ultranacionalisti i dëshmuar Nikolas Gejxh. Një ceremoni në dukje e pafajshme por me një axhendë të hapur politike.

Vite më parë, në janar 1997, shkrimtarja dhe publicistja e njohur Shirli Cloyes – DioGuardi, Këshilltare për Çështjet Ballkanike, ka dëshmuar në një seancë dëgjimore në Kongres, rreth të të drejtave të njeriut dhe demokracisë në Shqipëri dhe e ka ekspozuar qartë rolin dhe rrezikun e Nikolas Gejxhit si përfaqësues i Federatës Pan Epirote si dhe të komunistëve shqiptarë në përpjekjet për të rrezuar qeverinë e Berishës.

Në një takim më 15 janar 2011, çfiti DioGuardi, solli edhe një herë të freskët një dëshmi filmike të bërë në Kongresin Amerikan më 7 Korrik 1996, ku në panel ishin vendosur dy krahë të kundërta. Ishte dëshmia që mbronte të drejtat e shqiptarëve dhe dënonte krimet e komunizmit në Shqipëri dhe Kosovë e në vendbanimet shqiptare përballë panelit që kishte bërë aleancë me antishqiptarin Nikola Gejxh dhe disa shoqërues të tij nga Shqipëria me në krye deputetin socialist Blendi Klosi. Disa gjëra nuk shlyhen dot. Gejxh mbetet po ai antishqiptar dhe ata që e mbrojtën atëherë e mbrojnë edhe sot. Çifti DioGuardi na freskoi kujtesën.

Kështu ndodhi edhe kur Partia më e re e minoritetit grek Mega, ka pritur javët e fundit në zyrat qendrore një nga emrat e njohur të përfaqësuesve të mbrojtjes së etnisë greke, ultra nacionalistit grek në Amerikë, Nikolas Gejxh. I rikthyer në Shqipëri, pas një periudhe të gjatë kohore, Gejxh risolli mbështetjen e tij për Vorio Epirin. "Më duhet të them se termi Vorio Epir duhet të marrë vlerën e dikurshme dhe janë pikërisht minoritetet ato të cilat duhet të kontribuojnë në këtë gjë. Vorio Epiri duhet të fuqizohet ashtu si dikur. Ju duhet të merrni pjesë në zgjedhje", - tha lobisti i njohur grek.

Pas kësaj thirrjeje për krerët e Megas, Gejxh ka prekur më tej temën e regjistrimit të popullsisë. "Çdo qytetar ka të drejtë të deklarohet ashtu siç ndjehet etnikisht dhe njëherazi mund të deklarojë edhe përkatësinë fetare. Shpresoj që procesi këtë herë të jetë i drejtë dhe që regjistrimi të mos zvogëlojë numrin e grekërve që jetojnë në këtë vend, nën pretendimin e mungesës së tyre fizike në banesa, siç është evidentuar më parë", - tha Gejxh.

Duket se influenca e lobit grek vazhdon të jetë e rëndësishme në politikë dhe në besimin fetar ortodoks së paku në raportet shqiptaro-greke. Kjo duket nga deklarimet e fundit lidhur me regjistrimin e popullsisë. Ajo tregon se lobet greke në SHBA, me në krye ultrancionalistin e njohur Nikolas Gejxh (Nichos Gaxojanis), e ruajnë ëndrrën ende të gjallë.

Përzjerjen në punët e brendshme të Shqipërisë dhe ambiciet e hapura territoriale greke, i ka deklaruar edhe vetë Presidenti i Greqisë, Karolos Papulias, më 25 janar 2007.

Presidenti grek i është rikthyer edhe një herë çështjes së Epirit të Veriut, në vitin 2007 duke deklaruar se "Shqetësimi ynë kryesor është zhvillimi më i madh i Epirit". Këtë frazë kreu i shtetit grek, e ka thënë në takimin e përvitshëm të Federatës Pan-Epirote Greke të zhvilluar në 25 janar 2007, ku ai ka lëshuar një mesazh për Tiranën zyrtare dhe komunitetin grek që jeton në vendin tonë. Sipas Presidentit të Greqisë, integrimi i Shqipërisë në Bashkimin Evropian do të varej nga respektimi i të drejtave të minoriteteve, deklaratë kjo e bërë edhe dy vjet më parë, e cila krijoi jo pak tensione mes dy vendeve.

Dhe u shoqërua me operacionin famëkeq "Fshesa" si dhe me përzënien edhe me forcë të emigrantëve shqiptarë nga Greqia.

Duhet permendur se, sipas disa anketimeve në Shqipëri, deri në 75% e banorëve të Shqipërisë, dëshirojnë mbajtjen e marrëdhënieve të fqinjësisë së mirë me Greqinë, dhe se të gjithë e duan bashkëjetesën festare, por duke respektuar reciprokisht njëri tjetrin. Por, asnjë shqiptar nuk e pranon në anketë se feja dhe politika greke duhet të kenë ndikim në marrëdhëniet e fqinjësisë së mirë mes dy vendeve tona apo në marrëdhëniet tona fetare.

Për të qënë sa më korrekt me faktet, shembuj të përzjerjes së fesë ortodokse me politikën ka mjaft. Kisha Ortodokse në Sarandë, kishte nisur në dhjetor 2010 shpërndarjen e një formulari të shkruar në dy gjuhë, shqip dhe greqisht, ku u kërkohet besimtarëve ortodoksë të shprehin mbështetjen për kryepeshkopin Anastas Janullatos. Ata pranuan se "Kërkesa për mbështetje vinte nga besimtarët e saj pas debateve të shumta të fundit në qarqe të caktuara akademike dhe historike".

Autoritetet shqiptare siguruan formularët dygjuhësh, ku besimtarëve u kërkohet të deklarojnë emrin dhe mbiemrin, profesionin, vendbanimin, madje edhe firmën në mbështetje të kryepeshkopit. Në hyrje të formularit kisha Ortodokse sqaronte se e bënte këtë kërkesë pas debateve me disa qarqe të caktuara, të cilat në vitet e persekutimit të fesë shijonin pozita dhe komoditete pa dhënë asnjë kontribut në kishën Ortodokse Autoqefale Shqiptare.

Ekspertët e pavarur Shqiptarë konfirmojnë, se shoqëria shqiptare është shumë më tepër e interesuar për vendosjen e marrëdhënieve konstruktive me fqinjin tonë të hershëm Greqinë, se sa për rivendosjen e tërësisë së lidhjeve dhe marrëdhënieve mbi "ambicjet dhe pretendimet territoriale" të vendit tjetër, që ekzistojnë akoma në kokat e nxehta të ultra nacionalistëve dhe shovinistëve grekë.

Bile më tepër se kaq, kultivimi i prirjeve dhe ndjenjave nacionaliste, me pretendime territoriale, mund të provokojë edhe ndjenjat të popullit shqiptar dhe të asaj pjese që jeton si minoritet e tjera në territorin e Shqipërisë me shekuj dhe pa probleme artificilae që ngrenë shovinistët dhe ultranacionalistët grekë, tani me regjistrimin e tyre duke i quajtur ata grekë.

Zgjidhja e problemit të regjistrimit duhej lënë në dorë të Kushtetutës së Shqipërisë, të gjithë personave të interesuar, njerëzve të matur, mendjekthjellët: përfaqësuesve të shqiptarëve, organizatave dhe partive të të drejtave të njeriut, komuniteteve të minoriteteve të çfardo përkatësie qofshin ato dhe jetojnë prej shekujsh në territorin e Shqipërisë, dhe atyre ekspertëve që e dinë mirë se si zgjidhen këto probleme që dalin herë pas here. Dhe jo të merren me këtë punë e t'i dalin në krye disa ultranacionaliste dhe shovinistë të sëmurë.

BEQIR SINA


Rating (Votes: )   
    Comments (0)        Dërgoja shokut        Printo


Other Articles:
ME RASTIN E 3-VJETORIT TË PAVARËSISË SË KOSOVËSNDERIMI I DËSHMORËVE DHE AMANETI I TYRENga FRANK SHKRELI (02.17.2011)
MODELI TURK PËR EGJIPTINNga SERGIO ROMANO, "Panorama" (02.16.2011)
GRUAJA DHE TË DREJTAT E SAJNga MIMOZA DAJÇI (02.15.2011)
NJË KARTOLINË NGA EGJIPTINga THOMA L. FRIEDMAN, New York Times (02.13.2011)
SI T'I LEXOJË KLASA POLITIKE KËSHILLAT E TOMAS KANTRIMENITNga Elida BUÇPAPAJ (02.13.2011)
QEVERISJE FER DHE FER JASHTË QEVERISJESNga ELIDA BUÇPAPAJ (02.13.2011)
ANTI-AMERIKANIZMI I PRO-KORRUPSIONITNga FRANK SHKRELI (02.10.2011)
"Wall Street Journal": SHPIFJET NDAJ HASHIM THAÇITNga DENIS MACSHANE, anëtar i parlamentit britanik, ish i deleguar britanik në Këshillin e Evropës dhe ish Ministër për Ballkanin (02.08.2011)
SATRAPËT SI ALEATË POLITIKËNga SHABAN MURATI (02.08.2011)
NE POPULLI EGJIPTIANNga ROGER COHEN, New York Times (02.08.2011)



 
::| Lajme të fundit
::| Kalendari
Gusht 2020  
D H M M E P S
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          
 
::| Hot News
PËRMBYTJET NË SHQIPËRI - QEVERIA THOTË SE GJENDJA ËSHTË KRITIKE, KËRKON NDIHMË NGA BRUKSELI
ARVIZU - PRESIM QË DREJTËSIA SHQIPTARE TË DËNOJË TRAFIKANTËT E NJERËZVE
NATO NUK MUND TË NDIHMOJË NË KRIJIMIN E USHTRISË NË KOSOVË
GJERMANIA, FRANCA, BRITANIA E MADHE, HOLLANDA DHE DANIMARKA KUNDËR STATUSIT TË VENDIT KANDIDAT PËR SHQIPËRINË
THAÇI PARALAJMËRON ZGJEDHJEN E PRESIDENTIT GJATË JAVËS SË ARDHSHME
MISIONI MISHELËNga MICHELLE OBAMA, Newsweek
BABAI E NJEH MË MIRËNga THOMAS L. FRIEDMAN, New York Times
NATO dhe BE borxhlinj ndaj Kosovës ?Nga Elida Buçpapaj

 
VOAL
[Shko lart]