HEROI I PARISIT - SHITËSI MYSLIMAN QË SHPËTOI 6 PENGJE
E Hënë, 01.12.2015, 11:57am (GMT+1)
Pak orë pasi mbaroi makthi i rrëmbimit në supermaketin në zonën e "˜Porte de Vincennes' në Paris, kanë nisur të tregohen edhe orët e tmerrit nga protagonistët.
Mes tyre ka qenë edhe 24-vjeçari Lassana Bathily, emigrant nga Mali dhe me besim mysliman, i cili ka qenë i punësuar në supermarketin e marrë peng.
Por për personat që ishin brenda supermarketit ai është përshkruar si hero, pasi arriti të fshihte dhe shpëtonte 6 prej pengjeve.
Sipas rrëfimit të një pengu për BfmTv, në momentin që rrëmbyesi Amedy Coulibaly hyri në supermarket duke qëlluar, shitësi mysliman e kuptoi që rrezikoheshin klientët. Ai vendosi të ndihmojë kë pati mundësi duke i fshehur nëpër dhomat frigoriferike të dyqanit. Ka fikur dritat dhe impiantet e ftohjes. Madje ka qenë ai i pari që ka telefonuar policinë për marrjen peng të supermarketit.
Në fund të orëve të tëra në robëri, ishin 6 klientët që e kanë përqafuar dhe falënderuar të riun. Ai është kthyer tashmë në hero dhe simbol në Paris. Në Twitter #unemedaillepourlassana kërkohet që Lassana të nderohet nga presidenti i Republikës Holland me Medaljen e Legjionit të Nderit dhe t'i jepet shtetësia franceze menjëherë..
Comments (0)
Dërgoja shokut
Printo
