MERKEL PARALAJMËRON ASHPËR RUSINË - JEMI GATI TË MARRIM EDHE MASAT E FAZËS SË TRETË
E Enjte, 03.20.2014, 01:55pm (GMT+1)
 Kancelarja gjermane, Angela Merkel, ka thënë se udhëheqësit e Bashkimit Evropian, gjatë samitit që nis sot në Bruksel, do të tregojnë gatishmërinë e tyre për të rritur masat ndëshkuese ndaj Rusisë.
"Samiti i BE-së, sot dhe nesër, do ta bëjë të qartë se ne jemi të gatshëm në çdo kohë për të ndërmarrë masat e fazës së tretë, nëse ka përkeqësim të situatës. Dhe, sigurisht se do të përfshijmë sanksionet ekonomike", ka thënë Merkel.
Udhëheqësit e BE-së hapin sot në Bruksel një samit dyditor, në të cilin do të diskutohet përgjigjja e bllokut ndaj aneksimit të Krimesë nga Rusia.
Pritet që liderët të vendosin për anulimin e një samitit BE-Rusi, i cili është paraparë të zhvillohet në muajin qershor.
Ata po ashtu mund të shtojnë listën e njerëzve që u ndalohet udhëtimi dhe u ngrihen asetet. (rel)www.voal-online.ch
|
Comments (0)
Dërgoja shokut
Printo
