Ribery dhe Robben
Në Ligën e Kampionëve kanë fituar të tri ekipet gjermane. Bajerni i Mynihut i cili mbron titullin e më të mirit në Ligën e Kampionëve, ka shënuar fitore të lehtë ndaj Viktorisë me rezultat 5:0. Bavarezët kanë fituar të tri ndeshjet e deritanishme dhe janë shumë pranë kualifikimit në të tetën e finales. Një befasi shumë të madhe me një fitore të thellë shënoi Bayer Leverkuzen, i cili në fushën e vet mposhti kampionin e Ukrainës Shahtjor Donjeck, me rezultat të bindshëm 4:0. Në këtë ndeshje në
Stefan Kiessling Stefan Kiessling
veçanti ka shëndritur qendërsulmuesi Stefan Kießling, i cili dy herë u shënua në listën e golashënuesve. Ekipi i Leverkuzenit tani është në pozitën e dytë, pas Mançester Junajted, i cili ka fituar në San Sebastian, duke i falënderuar një autogoli, me rezultat jo bindës 1:0. Mançesteri, Bajeri dhe Shahtjori edhe më tutje janë kandidatët kryesor për dy pozitat e para që sigurojnë vazhdimin e garave në Ligën e Kampionëve.
Shalke i vetemi që humbi ndeshjen
Ndeshja më interesante këtë javë megjithatë u zhvillua në Londër, ku Arsenali priti Borusia Dortmund. Pas një ndeshje kualitative me shansa të mira nga të dyja anët, ekipi gjerman shënoi fitore me rezultat 2:1. Pas tri ndeshjeve të para, edhe në këtë grup tri ekipe vazhdojnë gaën për dy vendet e para: Borusia, Arsenali dhe Napoli.
Ekipi i vetëm gjerman i cili ka humbur këtë javë është Shalke nga Gelzenkirheni. Shalke pësoi bindshëm në fushën e vet nga Çelsi i Londrës me rezultat 0:3. Megjithatë edhe ky ekip gjerman ka shansa reale që të kualifikohet në garat e mëtutjeshme, pasi që aktualisht zë vendin e dytë me 6 pikë, sa ka edhe ekipi londinez i trajnuar nga portugezi Jose Murinjo. Në vendin e tretë është Bazeli me 4 pikë.
Garat në Ligën e Evropës
Branislav Ivanoviq Branislav Ivanoviq
I suksesshëm në arenën ndërkombëtare ishte mbrëmë edhe ekipi gjerman në garën e Ligës së Evropës, Ajntraht Frankfurt. Lojtarët e trajnerit Armin Veh fituan Makabin nga Tel Avivi me rezultat 2:0 dhe në këtë mënyrë gati që siguruan kualifikimin në garat e mëtutjeshme. Ajntrahti ka fituar të tri ndeshjet e para dhe zë vendin e parë në grupin e tij. Ndërsa ekipi tjetër gjerman Frajburgu, ka barazuar 1:1 në ndeshjen me ekipin Estoril nga Portugalia. Frajburgu i ka zvogluar në këtë mënyrë dukshëm shansat që të vazhdojë garat në Ligën e Everopës.
Comments (0)
Dërgoja shokut
Printo
