Në kampionatin e sapo përfunduar evropian të karatesë në "Wado kai" në Irlandë, përfaqësuesja e karate reprezentacionit të Maqedonisë, karateistja Drilona Biçaku, anëtare e KK "Arena-Kendo" nga Struga, fitoi medaljen e artë, duke shënuar fitore në të gjitha paraqitjet e sajë në këtë Kampionat.
Drilona Biçaku, karateiste në kategorinë -53 kg, është nderuar me medalje të artë, në një konkurrencë të fortë evropiane, ku të pranishëm ishin edhe karateistët nga Anglia dhe Rusia.
Velerda Selimi, karateiste e kategorisë -61 kg, sipas trajnerit dhe selektorit Shefi Reçi, përkundër faktit se ishte më e suksesshme në tapetin e dyshemesë, me një epërsi të theksuar, referët edhe një herë vepruan në kundërshtim me normat sportive, duke e dëmtuar Velerda Selimin, në favor të karateistes ruse.
Poashtu, edhe karatesitja pioniere, Medina Bijari, -45 kg, e pësoi të njejtin fat, që sipas vlerësimit të Shefi Reçit është rezultat i ndikimit të Federatës Ruse të karatesë e jo meritës së karateistëve rus.
Vlen të theksohet se në këtë Kampionat Europian, kanë marë pjesë 13 shtete, me mbi 350 garues.
Medlja e artë e fituar nga Drilona Biçaku, është dëshmi e shkallës pregatitore të karateisteve shqiptare, por fatkeqësisht që një ndër favoritet e këtij kampionati, Velerda Selimi, ishte edhe kësaj here cak e padrejtësive sportive. (http://www.ina-online.net) 
Comments (2)
Dërgoja shokut
Printo
