VOAL - Online Zëri i Shqiptarëve - Serena Uilliamsit gjobë rekord dhe rrezik skualifikimi

Voal-online Një stërgjobë 82 500 dollarë (më e larta e të gjitha kohërave ndaj tenistes) që mund edhe të dyfishohet, dhe mundësia e një skualifikimi për tri vjet nga US Open. Kjo është masa që Federtennis Internationale (ITF) ia ka komunikuar amerikanes Serena Williams, protagoniste në shtator e një episodi të dënueshëm gjatë gjysmëfinales së turneut të Flushing Meadows. Në ndeshjen e humbur përballë Kim Clijsters, Williams, i bërtiti ashpër gjyqtares anësore. "Po të mundja, ta rrasja këtë top në gojë," ka thënë 28 vjeçarja numër një e botës pas një gjykimi të diskutueshëm për faull me këmbë. Në rast të një "shkeljeje të re" brenda vitit 2011, Williams duhet të vuajë një sanksion të ri ndëshkues e, sidomos, do të përjashtohej për tri vjet nga US Open.

FAKTI -Pas një gabimi në shërbimin e parë në 5-6 e 15-30 (seti i parë ishte fituar tashmë nga Clijters për 6-4), gjyqtarja e vijës fundore ia dha një faull të këmbës Williamsit në gjuajtjen e dytë, duk ee dënuar amerikanen të shërbente dy match-pointe në favor të kundërshtares. Në vend që të fillonte shërbimet, Williams e fyeu gjyqtaren me fjalë, duke e kërcënuar pastaj edhe fizikisht. "Po të mundja, ta rrasja këtë top në gojë," ka thënë Williams. E cila pastaj e ka gjuajtur raketën në drejtim të gjyqtares. Në setin e mëparshëm ajo kishte marrë një warnign (paralajmërim) ngaqë e kishte shkatërruar raketën prej zemërimit. (http://www.repubblica.it)