VOAL - Online Zëri i Shqiptarëve - FORUMI EKONOMIK BOTËROR I DAVOSIT - TË PËRKUSHTOHEMI PËR TA PËRMIRËSUAR BOTËN

Voal-online - Të përkushtohemi për ta përmirësuar botën. Kjo është në thelb motoja e Forumit Ekonomik Botëror, i cili ka zgjedhur për titull të takimit të tij vjetor fjalinë e bujshme: "Riorganizimi i botës, pasojat për shoqërinë, politikën dhe ekonominë".

Nuk mund të qortohet për tepërim të modestisë, por ky synim a çon në rezultate konkrete? Natyrisht, Davos nuk e qeveris botën, kjo dihet, por gjithsesi është e vërtetë se njerëzit me ndikim të ekonomisë, shkencës dhe organizatave botërore janë në prani të madhe këtu. Është ky një rast për t'u ballafauar dhe për të matur temperaturat mbi tema të ndryshme të para nga një platé globale. Ky, në të vërtetë, duket se është funksioni i Davosit. Më shumë se për të realizuar ide të caktuara e politika të caktuara, WEF shërben për disa si termometër e për disa të tjerë si megafon.

Në program ka tema tejet interesante, si diskutimi mbi ndikimin e videolojërave në tru, por vëmendja do të përqëndrohet në dilemat e mëdha ekonomike dhe politike të botës që pjesërisht vuan ende nga kriza financiare, ndërsa në pjesën më të rëndësishme të planetit rritja është nalur. Një botë e cila, pavarësisht ndarjeve, mbetet e ndërvarur, çka e bën të dobishme një platformë globale siç është Davos. Një platformë ku, prapa kuintave, flitet për afarizmin, i cili në mënyra të ndryshme e financon WEF, për shembull industria e financave e automobilëve apo ajo e telekomunikacioneve.

E gjersa shumëkombëshet e mëdha do të vazhdojnë të kenë vëmenjen tek Forumi Ekonomi, politikat do të bëjnë garë për të ardhur në Davos e për t'ua dhënë mesazhet e tyre politike ndërmarrjeve të mëdhe, por edhe për ta falënderuar botën globale të "business". (rsi)