VOTA E SOTME SHËNON KTHESË NË POLITIKËN ZVICERANE EMIGRACIONIT
E Djelë, 02.09.2014, 06:59pm (GMT+1)
Voal-online - Këshilli federal thekson se përgjigja e dhënë në kutitë e votimit pasqyron shqetësimin ndaj rritjes demografike të vitit të fundit. Të dielën (sot) këshilltarja federale Simonetta Sommaruga, shefe e Departamentit Federale të Drejtësisë dhe Policisë, ka folur për një "kthesë themelore me pasoja të rëndësishme; populli zviceran e ka pranuar nismën Kundër Emigracionit në Masë, duke sjellë një kthesë në politikën emigratore zvicerane".
Ekzekutivi do t'ia dërgojë sa më parë Parlamentit një propozim për veprim e, ngaqë dispozitat kushtetuese janë në kundërshtim me Marrëveshjen për Qarkullim të Lirë të Njerëzve, do të vërë në tryezë bisedime me organet kompetente të Bashkimit Evropian dhe shtetet anëtare të tij me qëllim që të diskutojë hapat e mëtejshëm dhe vijimin e negociatave, nënvizon Qeveria në një komunikatë.
Didier Burkhalter, nga ana e tij, ka deklaruar se në javët e ardhshme "Qeveria do të studiojë mundësinë për të vënë mbi një bazë të re marrëdhëniet me Bashkimin Evropian". Ndërkohë, ka kujtuar president i Konfederatës, Marrëveshja mbi Qarkullimin e Lirë të Njerëzve dhe marrëveshjet e tjera dypalëshe mbeten në fuqi deri në një përcaktim të ri të situatës juridike. (rsi)www.voal-online.ch
|
Comments (0)
Dërgoja shokut
Printo
