Ariu Finn është më mirë - Kafsha ka filluar të hajë dhe të lëvizë
E Martë, 11.24.2009, 04:37pm (GMT+1)
Voal-online
- Ariu Finn i cili të shtunën sulmoi në Parkun e Arinjve djaloshin 25 vjeçar,
ka të dhëna të mira për të menduar se e ka kaluar rrezikun. Këtë e kanë bërë të
ditur personat përgjegjës në parkun e kryeqytetit sipas të cilëve "ariu Finn ka
kaluar një natë të qetë, ka ngrënë me oreks dhe ka lëvizur me më pak vështirësi
se dje, ndërkohë që vazhdon të kurohet me antibiotikë dhe qetësues të fuqishëm
kundër dhimbjeve, duke shtuar se "nuk përjashtohet mundësia se ditët në vijim
mund t'i nënështrohet edhe një ndërhyrje kirurgjikale ".
Siç dihet të shtunë, një i ri me probleme mendore hyri në guvën e arinjve, ku
edhe u sulmua prej ariut Finn. Ndërkaq për ta larguar ariun, një polic u
detyrua që ta qëllojë me disa të shtëna të pistoletës, një plumb prej së cilës
e kishte plagosur rëndë ariun.
Ende nuk
kemi asnjë lajm të ri për shëndetin e djaloshit, i cili vazhdon që të jetë i
shtruar në spital me plagë të rënda në këmbë dhe kokë. Policia nga ana e saj
është duke mbledhur fakte për të qartësuar dhe hedhur dritë të plotë në
ngjarjen.