BLLOKU IM
Poetit Ali Podrimja (1)
Nga SINAN KËRPAÇI
E Djelë, 03.30.2014, 02:10pm (GMT+1)
Ushtar isha, ushtar jam, ushtar do të jem
në komandën " Për nder armë!"
pranë vargut tënd Ali Podrimja.
Në bllokun tim asnjëherë nuk shënova
kalibrat e armëve, por të vargjeve të tua,
asnjëherë nuk shënova distancën
e fuqisë shpuese të plumbave,
por të vargut tënd Ali Podrimja,
asnjëherë nuk i mësova kompletet
luftarake të armëve, por titujt
e librave të tu s`i harrova kurrë,
s`i harrova kurrë, o "Lum Lumi".
Ushtar isha, ushtar jam, ushtar do të jem,
por jo në komandën "Për nder armë!",
në komandën: "Për nder Ali Podrimja!"
1. Kur isha student në shkollën e oficerëve në vitet 1977 1980 në një
nga xhepat e shumtë të uniformës time ushtarake unë do të kisha përherë
një bllok sa gjysma e pëllëmbës time të vogël me vargje të poetit Ali
Podrimja.
Tiranë, 22. 7. 2012SINAN KËRPAÇI
|
Comments (0)
Dërgoja shokut
Printo
